الماتى اۋداندارىنىڭ اكىمدىكتەرى ءوز بيۋدجەتتەرىن دەربەس باسقاراتىن بولادى

بۇل جوسپار 2023 جىلدىڭ 1 قاڭتارىنان باستاپ ىسكە اسا باستايدى.

قوعامدىق كەڭەس مۇشەلەرىمەن، ءماسليحات دەپۋتاتتارىمەن جانە ساراپتامالىق قوعامداستىق وكىلدەرىمەن بولعان كەزدەسۋ بارىسىندا الماتى اكىمى ەربولات دوسايەۆ قارجىلاندىرۋ ءتارتىبى تۋرالى سۇراققا جاۋاپ بەردى، دەپ حابارلايدى Almaty-akshamy.kz. 

«وبلىس اكىمدىكتەرىنىڭ جەكە تولىققاندى بيۋدجەتى بولادى دەپ جوسپارلاپ وتىرمىز. مەملەكەت باسشىسى بۇل ويدى قولدادى. 2023 جىلدىڭ 1 قاڭتارىنان باستاپ ىسكە اسىرا باستايمىز. اعىمداعى جول جوندەۋ جۇمىستارىن، سونىڭ ىشىندە شۇقىرلاردى تەگىستەۋدى، ااك ەسەپتەۋ ماسەلەلەرىن، مەكتەپكە دەيىنگى تاربيە، سانيتارلىق تازارتۋ جانە اعاشتاردى كەسۋ جانە تاعى بىرنەشە پاكەتتەردى اۋداندارعا اۋىستىرامىز. بۇل شەشىمنىڭ قاجەتتىلىگىنە قالانىڭ 8 اۋدانىندا وتكەن 8 جيىننان كەيىن كوز جەتكىزدىم – ماسەلەلەردىڭ جارتىسىنان كوبى اۋدان اكىمدەرىنىڭ قۇزىرىندا. ەسەپ بەرۋ كەزدەسۋلەرىندە اقشاسى بارىن، نە جوندەگەنىن، نەنى جوسپارلاعانىن، ت.ب. ايتىپ بەرە الادى. بۇگىندە اۋدان اكىمدەرى بەلسەندى جۇمىس ىستەپ جاتىر، ءبىراق تۇرعىندارىمىزدىڭ كوكەيتەستى ماسەلەلەرىن شەشۋگە مۇمكىندىكتەرى دە، وكىلەتتىگى دە جوق. بۇل تاڭعالارلىق جاعداي، وبلىستىق اكىمدىكتەردىڭ بيۋدجەتى بارلىق رەسپۋبليكالىق ماڭىزى بار قالالاردا، وبلىس ورتالىقتارىندا جوق»، - دەدى الماتى اكىمى ەربولات دوسايەۆ.