الماتىدا رەسپۋبليكا سارايى الدىنداعى اباي اتىنداعى الاڭدا الماتى قالاسى مەكتەپتەرى تۇلەكتەرىن «التىن بەلگى» «جاس تۇلەك-2023» بەلگىسىمەن ماراپاتتاۋدىڭ سالتاناتتى ءراسىمى ءوتتى. «التىن بەلگى» توسبەلگىسىمەن 5ء-شى سىنىپتان 11ء-شى سىنىپقا دەيىنگى وقۋ ۇزدىكتەرى ماراپاتتالادى. بيىل الماتى قالاسى مەكتەپتەرىنىڭ 474 تۇلەگى «التىن بەلگى» جوعارى ناگراداسىنا يە بولۋ قۇقىعىن راستادى، ونىڭ ىشىندە قالا مەكتەپتەرىنىڭ 423 تۇلەگى جانە 51 رەسپۋبليكالىق مەكتەپ تۇلەگى (نزم، رفمم، اباي اتىنداعى دارىندى بالالارعا ارنالعان رەسپۋبليكالىق ورتا مەكتەپ-ينتەرناتى). 2023 جىلى الماتى مەكتەپتەرىن بارلىعى 14 876 تۇلەك، ونىڭ ىشىندە مەملەكەتتىك مەكتەپتەردى 12 682 تۇلەك، جەكە مەنشىك مەكتەپتەردى 2194 تۇلەك ءبىتىردى.
ايتا كەتەرلىگى، «التىن بەلگىمەن» ماراپاتتالعانداردىڭ كونكۋرس وتكەن كەزدە ءبىلىم بەرۋ گرانتتارىن الۋعا باسىم قۇقىعى بار. سونىمەن قاتار، بيىل عانا حالىقارالىق زياتكەرلىك وليمپيادالار مەن عىلىمي جارىستاردا 7 التىن، 11 كۇمىس جانە 23 قولا مەدال جەڭىپ العان مەگاپوليس وقۋشىلارى اتاپ ءوتىلدى.
مەرەكەلىك ماراپاتتاۋ بارىسىندا تۇلەكتەر شەرۋىنە قوسا مازمۇندى كونسەرتتىك باعدارلاما ۇسىنىلدى. ساحنادا قوناقتار الدىندا تۇلەكتەر مەن «Rise» شوۋ-بالەتى، «مەكتەپ – ساعىنىشىم» ءانى، ايقىن تولەپبەرگەن، Alpha توبى جانە قازاقستاندىق ەسترادانىڭ باسقا دا ارتىستەرى ونەر كورسەتتى.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا، سەگىز اۋدان اكىمدەرى مەن ءبىلىم بەرۋ ارداگەرلەرى ءار تۇلەككە «التىن بەلگى» جوعارى ماراپاتىن تاپسىردى.
«التىن بەلگى» يەلەنگەن تۇلەكتەردى وسى ايتۋلى كۇنمەن شىن جۇرەكتەن قۇتتىقتايمىن، سىزدەر قالامىزدىڭ ماقتانىشى مەن يگىلىگى بولىپ تابىلاسىزدار. سىزدەرگە العا ۇمتىلىپ، جۇرەكتەرىڭ قالاعان ماماندىقتى الۋدى تىلەيمىن. جاستاردىڭ بولاشاق جەتىستىكتەرى ەلدىڭ دامۋىنا زور ۇلەس قوساتىندارىڭا سەنىمدىمىن. مەن ونەگەلى ۇرپاق تاربيەلەگەن مۇعالىمدەر مەن اتا-انالارعا العىس بىلدىرەمىن. بارلىق ۇمىتتەرىڭىز بەن ارماندارىڭىز ورىندالسىن!»،- دەدى قالالىق ءبىلىم باسقارماسىنىڭ باسشىسى ءلاززات جىلقىبايەۆا.
سالتاناتتى ءىس-شارا سوڭىندا تۇلەكتەر ءداستۇر بويىنشا دينايدىڭ «قۇس جولى» ءانىنىڭ ىرعاعىمەن مەكتەپپەن قوشتاسۋ ءۆالسىن ورىندادى. بۇل بالالىق شاقتاعى ەستەلىكتەردىڭ سوڭعى اككوردى بولدى، ونى اركىم ءومىر بويى جۇرەگىندە ساقتايدى.
