تۇركىستان وبلىسىنان كەلگەن 34 جاستاعى ازامات ونەركاسىپتىك الپينيستىك قۇرالدىڭ كومەگىمەن الماتىلىقتاردىڭ پاتەرلەرىن توناپ كەلگەن.
اتالعان دەرەك ق ر قك-نىڭ 188-بابى 3-بولىگىمەن (ۇرلىق) تىركەلگەن قىلمىستىق ءىس ماتەريالدارىنا زاتتاي ايعاقتار، ونىڭ ىشىندە وندىرىستىك الپينيزمگە ارنالعان قۇرال-جابدىقتار تاركىلەنىپ، تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتى ۇستالعانعا دەيىن اسقاروۆ كوشەسىندەگى 21 قاباتتى ءۇيدىڭ 12-قاباتىندا ورنالاسقان پاتەرلەردىڭ بىرىنە “كىرگەن”. ول ارقانمەن شاتىردان ءتۇسىپ، تەرەزەنى سىندىرىپ، تۇرعىن ۇيگە كىرگەن. تەرەزەنىڭ ار جاعىنداعى بەيتانىس ادام كورشى پاتەرلەردىڭ تۇرعىندارىنىڭ كۇدىگىن تۋدىرماعان: ولار تەرەزە جۋۋشى جۇمىس ىستەپ جاتىر دەپ ويلاعان. كۇدىكتى بوتەننىڭ پاتەرىنەن 3 ملن تەڭگە بولاتىن ءۇي يەسىنىڭ مۇلكىن جىمقىرعان. ءبىراز ۋاقىتتان كەيىن ونى قالانىڭ كريمينالدىق پوليسياسى، اۋەزوۆ اۋداندىق پوليسيا باسقارماسى جانە پوليسيانىڭ ارنايى جاساقتارىنىڭ قىزمەتكەرلەرى ۇستادى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.