2024 جىلدىڭ 29 قىركۇيەگىندە الماتىدا Almaty Marathon وتەدى، سول سەبەپتى تاڭعى 06:00-دەن 12:30-عا دەيىن قوعامدىق كولىك قوزعالىسىنىڭ سحەمالارى وزگەرەدى. وسى ۋاقىتتا 74 اۆتوبۋس باعىتتارىنىڭ قوزعالىسى وزگەرەدى، ال تروللەيبۋس قوزعالىسى ۋاقىتشا توقتاتىلادى.
تولىق اقپاراتتى جانە ءار مارشرۋتتىڭ ۋاقىتشا قوزعالىس سحەماسىن @AlmatyJoly Telegram ارناسىنان كورۋگە بولادى: سىلتەمە.
ەستەرىڭىزگە سالا كەتەيىك، 29 قىركۇيەكتە 06:20-دان 12:30-عا دەيىن مارافون ءوتۋ جولىنداعى كەيبىر كوشەلەر ءىشىنارا جابىلادى. سپورتشىلار ديستانسيانى وتكەن سايىن جولدار بىرتىندەپ اشىلادى.
مارافوننىڭ باستالۋى مەن اياقتالۋى رەسپۋبليكا الاڭىندا ورنالاسقان. وسىعان بايلانىستى ساتپايەۆ كوشەسى جەلتوكسان كوشەسىنەن نازاربايەۆ داڭعىلىنا دەيىنگى ەكى جاقتى قوزعالىس 28 قىركۇيەك كۇنى ساعات 06:00-دەن 29 قىركۇيەك كۇنى ساعات 22:00-گە دەيىن جابىق بولادى.
29 قىركۇيەك كۇنى قوزعالىستىڭ جابىلۋ ۋاقىتى:
- نازاربايەۆ داڭعىلى ساتپايەۆ كوشەسىنەن ءال-فارابي داڭعىلىنا دەيىن 06:25-تەن 09:35-كە دەيىن تولىعىمەن جابىلادى. بالاما جول – دوستىق داڭعىلى.
- ءال-فارابي داڭعىلى نازاربايەۆ داڭعىلىنان شاشكين كوشەسىنە دەيىن 06:30-دان 09:45-كە دەيىن ءىشىنارا جابىلادى. داڭعىلدىڭ وڭتۇستىك جاعى كولىك قوزعالىسى ءۇشىن اشىق بولادى. بالاما باعىت – تولە بي كوشەسى جانە اباي داڭعىلى.
- ءال-فارابي داڭعىلى شاشكين كوشەسىنەن ساين كوشەسىنە دەيىن 06:35-تەن 10:15-كە دەيىن ءىشىنارا جابىلادى. وڭتۇستىك جاعى اشىق بولادى. بالاما جول – اباي داڭعىلى.
- ساين كوشەسى ءال-فارابي داڭعىلىنان اباي داڭعىلىنا دەيىنگى سولتۇستىك باعىتتا 07:00-دەن 11:00-گە دەيىن جابىلادى. بالاما جول – باۋىرجان مومىش ۇلى كوشەسى.
- اباي داڭعىلى ساين كوشەسىنەن روزىباكييەۆ كوشەسىنە دەيىن شىعىس باعىتتا 07:10-نان 11:30-عا دەيىن جابىلادى. سولتۇستىك جاعى اشىق بولادى. بالاما جولدار – ءال-فارابي داڭعىلى، تولە بي، قۇرمانعازى، قابانباي باتىر كوشەلەرى.
- اباي داڭعىلى روزىباكييەۆ كوشەسىنەن بايتۋرسىنوۆ كوشەسىنە دەيىن 07:20-دان 12:00-گە دەيىن تولىق جابىلادى. بالاما جول – ءال-فارابي داڭعىلى.
- بايتۋرسىنوۆ كوشەسى اباي داڭعىلىنان ساتپايەۆ كوشەسىنە دەيىن 07:30-دان 12:15-كە دەيىن تولىق جابىلادى.
- ساتپايەۆ كوشەسى بايتۋرسىنوۆ كوشەسىنەن جەلتوكسان كوشەسىنە دەيىن شىعىس باعىتتا 07:40-تان 12:30-عا دەيىن تولىق جابىلادى. بالاما جولدار – اباي داڭعىلى مەن تولە بي كوشەسى.
- شاشكين كوشەسى ءال-فارابي داڭعىلىنان تيميريازيەۆ كوشەسىنە دەيىن 07:30-دان 08:05-كە دەيىن جابىلادى. بالاما جول – ماركوۆ كوشەسى.
- تيميريازيەۆ كوشەسى شاشكين كوشەسىنەن بايزاقوۆ كوشەسىنە دەيىن 07:30-دان 08:15-كە دەيىن جابىلادى. بالاما جولدار – اباي داڭعىلى مەن ءال-فارابي داڭعىلى.
- بايزاقوۆ كوشەسى تيميريازيەۆ كوشەسىنەن قۇرمانعازى كوشەسىنە دەيىن 07:35-تەن 08:50-گە دەيىن ءىشىنارا جابىلادى. بالاما جولدار – اۋەزوۆ جانە ماناس كوشەلەرى.
- قۇرمانعازى كوشەسى بايزاقوۆ كوشەسىنەن بايسەيىتوۆا كوشەسىنە دەيىن 07:40-تان 08:10-عا دەيىن ءىشىنارا جابىلادى. بالاما جول – تولە بي كوشەسى.
- ابىلاي حان داڭعىلى قۇرمانعازى كوشەسىنەن اباي داڭعىلىنا دەيىن 07:45-تەن 09:15-كە دەيىن ءىشىنارا جابىلادى. بالاما جولدار – كۋنايەۆ جانە دوستىق كوشەلەرى.
- جەلتوكسان كوشەسى اباي داڭعىلىنان ساتپايەۆ كوشەسىنە دەيىن 07:50-دەن 09:20-عا دەيىن ءىشىنارا جابىلادى. بالاما جول – دوستىق كوشەسى.
بارلىق شەكتەۋلەردى ەسكەرە وتىرىپ، ءجۇرۋ جولدارىڭىزدى الدىن الا جوسپارلاپ العان ءجون.