الماتىدا 3 جانە 9 ناۋرىز ارالىعىندا كوشەلەر مەن ينفراقۇرىلىمدى تازارتۋ بويىنشا اۋقىمدى جۇمىستار جۇرگىزىلۋدە
الماتىدا «تازا قازاقستان» جالپى رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا كوشەلەردى تازارتۋ، قالالىق ينفراقۇرىلىمدى رەتكە كەلتىرۋ جانە زاڭسىز ساۋدا وبەكتىلەرىن بۇزۋ بويىنشا اۋقىمدى جۇمىستار جۇرگىزىلەدى.
ناۋقان ءبىر ايعا سوزىلادى. ءبىرىنشى اپتا ىشىندە «تازا كوشەلەر» دەگەن اتپەن زاڭسىز ورناتىلعان ساۋدا نۇكتەلەرىنت جاپپاي بولشەكتەۋ، جالپىعا ورتاق پايدالانىلاتىن اۋماقتاردا جاڭا ۋرنالار ورناتۋ جۇرگىزىلەتىن بولادى. سونداي-اق، ماگيسترالداردى اباتتاندىرۋ، جول جابىندارىن جوندەۋ، تاڭبالاۋ بويىنشا «ءقاۋىپسىز جول» اكسياسى وتەدى.
اپتا ىشىندە جالپى اۋدانى 24 م3 جانە ۇزىندىعى 2 777 كم بولاتىن 2 318 كوشەنى تازالاۋ جۇمىستارى بەلسەندى جۇرگىزىلەتىن بولادى. ايتا كەتەيىك، كۇن سايىن قالا كوشەلەرىنەن 150 توننادان استام سمەتا مەن كەزدەيسوق قوقىس شىعارىلادى. ماگيسترالدىق كوشەلەردى تازارتۋ كۇنىنە ەكى رەت، ال اۋداندىق ماڭىزى بار كوشەلەردى تازارتۋ كۇن سايىن جۇرگىزىلەدى. كوممۋنالدىق قىزمەتتەر 56 جەراستى جانە 78 جەرۇستى جاياۋ جۇرگىنشىلەر وتكەلدەرىن تازالايدى، 1765 ايالداما پاۆيلوندارىن، 480 باعدارشام وبەكتىلەرىن، جارىقتاندىرۋ اسپاپتارىن جۋادى.
جالپى، «الماتى – ءبىزدىڭ ورتاق ءۇيىمىز» ناۋقانى اياسىندا 600-دەن استام زاڭسىز ستاسيونارلىق ەمەس ساۋدا وبەكتىلەرىن (سەو) بولشەكتەۋ، 12 مىڭ ۆاندالعا قارسى ۋرنا ورناتۋ، 4020-دان استام اۋلانى اباتتاندىرۋ، 445 ساياباق پەن گۇلزاردى، وزەندەر مەن كولدەردىڭ جاعالاۋلارىن تازالاۋ، سونداي-اق 5 مىڭ اعاش پەن بۇتا وتىرعىزۋ جوسپارلانعان. ناۋقاننىڭ ماقساتى-ەكولوگيالىق مادەنيەتتى جانە قورشاعان ورتاعا ۇقىپتى قاراۋدى قالىپتاستىرۋ.