الماتىدا المالى اۋدانىندا اقىلى تروتۋار تۇراقتارى ىسكە قوسىلادى، دەپ حابارلايدى Almaty-akshamy.kz
اعىمداعى جىلدىڭ 11 جەلتوقسانىنان باستاپ الماتى قالاسىنىڭ المالى اۋدانىندا اقىلى تروتۋار تۇراعى مينۋتىنا تولەنەدى. بۇل اۋداندا 27 ايماق، 6504 تۇراق ورنى جۇمىس ىستەي باستايدى، ونىڭ ىشىندە 454 مۇمكىندىگى شەكتەۋلى ادامدار ءۇشىن.
اقىلى تروتۋار تۇراعىنىڭ جۇمىس ءتارتىبى: كۇن سايىن ساعات 8: 00-دەن 19:00-گە دەيىن. ءبىر ساعاتتىڭ قۇنى 100 تەڭگە. ۋاقىتتى ەسەپتەۋ كولىك قۇرالىنىڭ تۇراق ايماعىندا توقتاعان ساتىنەن باستالادى. تۇراق اقىسىن العاشقى 15 مينۋت ىشىندە تولەۋ قاجەت.
تۇراق ورنى ءۇشىن الدىن الا تولەۋدى مىناداي تاسىلدەرمەن جۇرگىزۋ قاجەت:
- «پاركوۆكي الماتى» موبيلدىك قوسىمشاسى ارقىلى. بۇل قوسىمشانى Play Market نەمەسە Apple Store تەلەفوندارىنا جۇكتەۋگە بولادى؛
- almaty-parking.kz سايتىندا؛
- Kaspi.kz موبيلدىك قوسىمشاسى ارقىلى اقپاراتتىق تاقتالارداعى QR-كود بويىنشا؛
- kassa 24 تەرمينالى؛
- Kcell، Activ، Beeline، Tele2، Altel ابونەنتتەرىنىڭ 1309 ءنومىرى بويىنشا SMS حابارلاما جىبەرىپ، تاقتادا كورسەتىلگەن تۇراق ءنومىرىن * اۆتو ءنومىرى * ساعات سانىن كورسەتۋ ارقىلى ۇيالى شوتتىڭ تەڭگەرىمىنەن تۇراق اقىسىن تولەۋگە مۇمكىندىگى بار.
حابارلاما مىسالى: 6021 * 123اا02 * 1
ءبىز ەكىنشى دەڭگەيلى بانكتەر (Halyk bank، Centercredit، RBK، Jusan جانە Forte bank) ارقىلى QR-تولەمدى ىقپالداستىرۋ ارقىلى تولەم تاسىلدەرىن ارتتىرۋ مۇمكىندىكتەرىن بەلسەندى تۇردە ازىرلەۋدەمىز.
تروتۋار ۇلگىسىندەگى تۇراقتار باسقا اۋدانداردا كەزەڭ-كەزەڭىمەن ىسكە قوسىلادى.
بۇزۋشىلىقتار اۆتوماتتى رەجيمدە، ءموبيلدى كەشەندەرمەن (ارنايى اۆتو) تىركەلەدى. اقىلى تۇراق ءۇشىن تولەۋدەن جالتارعانى ءۇشىن ايىپپۇل 3 اەك قۇرايدى (ق ر 597-بابى، 4-1-ب.). ءبىر جىل ىشىندە قايتالاپ بۇزۋشىلىقتار بولسا 5 اەك مولشەرىندە ايىپپۇل سالۋعا اكەپ سوعادى.
قالادا الاڭدىق تيپتەگى تۇراقتار شتاتتىق رەجيمدە جۇمىس ىستەيدى.
رەزيدەنتتىك كەلىسىمدەر مەن ابونەمەنتتەردى ۇيىمداستىرۋ ماسەلەسى ازىرلەنۋدە.
الماتى قالاسىنىڭ اقىلى تۇراق ايماعىنىڭ شەكاراسىندا كولىك قۇرالدارىن تەگىن قويۋ قۇقىعىنا ازاماتتاردىڭ جەڭىلدىكتى ساناتتارى يە. وتىنىشتەر ONLINE ارقىلى «eOtinish» سەرۆيسى ارقىلى، Almaty-parking.kz سايتىنداعى سىلتەمە بويىنشا قابىلدانادى نەمەسە كورسەتىلگەن قۇجاتتار پاكەتىن مىنا مەكەن-جاي بويىنشا ۇسىنسىن: الماتى قالاسى، بوستاندىق اۋدانى، بايسەيىتوۆا كوشەسى، 40، ن.ل.71، 5 كابينەت.
بايلانىس ورتالىعى: +7 (727) 390-8000
كۇندەلىكتى: 8:00-دەن 20:00-گە دەيىن.