جۋرناليستەر اراسىندا «الماتى اقشامى» گازەتىنىڭ 35 جىلدىق مەرەيتويىنا ارنالعان شاعىن فۋتبولدان جارىس ءوتتى.
جارىستىڭ باستالۋ سالتاناتىندا قازاقستان جۋرناليستيكا اكادەمياسىنىڭ ءتوراعاسى، پروفەسسور، ساعىمباي قوزىبايەۆ، بەلگىلى جۋرناليست ۆالەريي جانداۋلەتوۆ پەن الماتى قالاسى قوعامدىق دامۋ باسقارماسى باسشىسىنىڭ ورىنباسارى مارلەن رايس اتاۋلى مەرەكەمەن قۇتتىقتاپ، دوداعا قاتىسۋشىلارعا ساتتىلىك تىلەدى.
«الماتىداعى قادەمگەر-جۋرناليستەردىڭ باسى قوسىلماعالى ءبىراز بولىپ ەدى. بۇگىنگى تۋرنير بارىسىندا ءبىر-بىرىمىزدى جولىقتىرىپ، ەمەن-جارقىن اڭگىمەلەستىك. بۇل ءبىر شەتىنەن دەنە شىنىقتىرۋ بولدى. اقشامداعى ارىپتەستەرىمىزگە كەلەلى دۇنيەلەر جازىپ، جاقسىلىقتىڭ جارشىسى بولا بەرۋىنە تىلەكتەسپىز»، - دەيدى «Qazaqstan» تەلەارناسىنىڭ ءجۋرناليسى ءازيز تاستايەۆ.
مۇنان كەيىن، دوپ ورتاعا تاستالىپ، قاتىسۋشى كوماندالار اراسىندا تارتىستى ويىن باستالدى. الا دوپ الامانىندا «ارداگەر» بلوگەرلەرى توبىنىڭ دالدەگەن دوپتارى قاقپادان ءدال تابىلىپ جاتتى. كوماندا مۇشەلەرى بىر-بىرىمەن الما كەزەك دوپ الماسۋدىڭ ارقاسىندا ءبىرىنشى ورىندى يەمدەندى. ال «31 ارنا» ەكىنشى ورىن السا، ءۇشىنشى ورىنعا «Qazaqstan» تەلەارناسىنىڭ كومانداسى لايىق دەپ تانىلدى. سونىمەن قاتار، ويىن بارىسىندا وزىندىك ويىن ۇلگىسىن كورسەتە بىلگەن ارىپتەستەر بىرنەشە اتالىم بويىنشا ماراپاتتالدى.
جەڭىمپازداردى «Alatau Aqparat» مەدياحولدينگى باسشىسىنىڭ ورىنباسارى ءابدىحاليل جاليلوۆ، «Almaty aqshamy» گازەتىنىڭ بۇرىنعى رەداكتورى قالي سارسەمباي، «ۆەچەرنيي الماتى» گازەتىنىڭ باس رەداكتورى ەۆگەنيي راحيمجانوۆ ماراپاتتادى.
ايتۋ كەرەك، ق ر فۋتبول فەدەراسياسى اتقارۋ كوميتەتىنىڭ مۇشەسى ءالىم اناپيانوۆ پەن رەسپۋبليكالىق ساناتتاعى سۋديا ساۋلە جاربولوۆا ويىننىڭ ءادىل وتۋىنە تالماي تورەلىك ەتتى.
وسىلايشا «Alatau Aqparat» مەدياحولدينگى قۇرامىنداعى الاتاۋدىڭ باۋرايىنان شىعىپ التى الاشقا تارايتىن، الىپ مەگاپوليستىڭ عانا ەمەس، ۇلتتىق باسىلىمعا اينالعان گازەتتىڭ ءتۋرنيرى ەرەكشە ساتتەرمەن ەستە قالدى. مەرەيتويدىڭ ءوز دەڭگەيىندە وتۋىنە ارنايى كەڭ سپورت زالىن بەرگەنى ءۇشىن الماتى مەملەكەتتىك ترانسپورت جانە كوممۋنيكاسيا كوللەدجىنىڭ ديرەكتورى ەربول جارۋللا ۇلى ماگازوۆ مىرزاعا جانە جارىس بارىسىندا مەديسينالىق باقىلاۋ جۇمىستارىن جۇرگىزۋگە جوعارى ساناتتى دارىگەرلەرمەن قامتاماسىز ەتكەنى ءۇشىن الماتى قالاسى قوعامدىق دەنساۋلىق ساقتاۋ باسقارماسى ۇوس قالالىق ەمحاناسىنىڭ باس دارىگەرى مۇرات قايداروۆقا العىس بىلدىرەمىز!
