الماتىدا موپەدتى العاشقى تىركەۋ جۇمىستارى تابىستى اياقتالدى.
جاس الماتىلىق ءوز كولىگىنىڭ تەحنيكالىق ءتولقۇجاتىن جانە مەملەكەتتىك تىركەۋ ءنومىرىن الدى، دەپ حابارلايدى aqshamnews.kz. Polisia.kz-كە سىلتەمە جاساپ.
– 2024 جىلى «جول قوزعالىسى تۋرالى» زاڭعا ەنگىزىلگەن تۇزەتۋلەردىڭ نەگىزگى ماقساتى – موپەدتەردى پايدالانۋدى رەتتەۋ. ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارى بولىپ تابىلادى جانە ولارعا بارلىق زاڭ تالاپتارى قولدانىلادى. 2024 جىلدىڭ 11 قاڭتارىنان باستاپ پيلوتتىق جوبا اياسىندا موپەدتەردى تىركەۋگە رۇقسات بەرەتىن ەرەجەلەر كۇشىنە ەندى. قازاقستان رەسپۋبليكاسى ىشكى ىستەر مينيسترلىگى تىركەۋ ءۇشىن قاجەتتى قۇجاتتاردىڭ ءتىزىمىن ازىرلەدى، ال موپەدتىڭ جاقتاۋىندا سايكەستەندىرۋ ءنومىرى بولماعان جاعدايدا دا تىركەۋ وڭايلاتىلعان تارتىپپەن جۇزەگە اسىرىلادى، – دەدى الماتى قالاسى پد اكىمشىلىك پوليسيا باسقارماسىنىڭ پروسەسسينگ ورتالىعىنىڭ باسشىسى ايدىن مەركىمبايەۆ.
ايتا كەتەيىك، بيىل ءساۋىر ايىنان باستاپ اكىمشىلىك قۇقىق بۇزۋشىلىق تۋرالى كودەكسكە موپەد جۇرگىزۋشىلەرىنىڭ جاۋاپكەرشىلىگىنە قاتىستى تۇزەتۋلەر ەنگىزىلەدى. ولار ا1 ساناتىنداعى جۇرگىزۋشى كۋالىگىن الۋى ءتيىس جانە باسقا دا جول قوزعالىسى قاتىسۋشىلارى سياقتى زاڭدى جاۋاپكەرشىلىككە تارتىلادى.