بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە قالا اكىمى ەربولات دوسايەۆ مالىمدەدى.
وتكەن جىلى قالانىڭ مەنشىگىنە "الماتى پاركينگ"قايتارىلدى. ەربولات دوسايەۆتىڭ ايتۋىنشا، الماتىنىڭ تاريحي ورتالىعىندا 12500 تۇراق ورنى بار، دەپ حابارلايدى Almaty-akshamy.kz
«ءبىز ءبىرىڭعاي تۇراق كەڭىستىگىن قالىپتاستىرۋ تۇجىرىمداماسىن اياقتاۋدامىز ءارى قالانىڭ بارلىق 8 اۋدانىن قامتۋدى جوسپارلاپ وتىرمىز. اكىمدىك كولىكتەر تۇراققا قويىلعان كوشەلەر بويىنداعى اۋماقتاردى زاڭداستىرىپ، ولاردى ءتيىستى ينفراقۇرىلىمعا بىرىكتىرەدى»، - دەدى الماتى اكىمى
قىركۇيەككە قاراي سارالانعان تولەم جۇيەسىن ىسكە قوسۋ جوسپارلانۋدا. ونىڭ تولەمى مىناداي بولادى: ورتالىقتا قىمبات، جاڭا اۋداندارعا ارزان.
«تولەمدەر قاراجاتى بيۋدجەتكە تۇسەدى. سونىمەن قاتار، مەن بۇل بيۋدجەتتى بىلايشا ءبولدىم: اۋدان قانشا جينايدى – جينالعان قارجىنى "حالىق قاتىساتىن بيۋدجەت"باعدارلاماسى بويىنشا كەرى قايتارامىن. سونداي-اق، كوپدەڭگەيلى اۆتوتۇراقتاردى سالۋ ماسەلەسى قاراستىرىلۋدا. ءبىز جەكە تۇلعالاردى، ءوز جەرلەرىندە وسىنداي اۆتوتۇراقتار سالۋعا مۇددەلى ادامداردى تارتۋعا دايىنبىز»، - دەدى ول.
ەربولات دوسايەۆتىڭ ايتۋىنشا، قالاداعى العاشقى كوپ دەڭگەيلى اۆتوتۇراق ۇلتتىق بانكتىڭ جانىندا ورنالاساتىن بولادى.