الماتىدا جاستار ساياساتى باسقارماسىنىڭ قولداۋىمەن كرەاتيۆ جاستارعا ارنالعان TikTok مەكتەبى اشىلادى، - دەپ حابارلايدى aqshamnews.kz ءتىلشىسى.
وقۋ باعدارلاماسى ەكى ايعا جوسپارلانعان جانە ارالاس فورماتتا وتەدى: ساباقتىڭ جارتىسى ونلاين، جارتىسى وفلاين فورماتتا ۇيىمداستىرىلادى. كۋرستى TikTok سالاسىنىڭ مامانى، بلوگەر، الەم بويىنشا جالپى اۋديتورياسى 23 ميلليوننان اسا وقىرمانى بار اداليات باكييەۆا جۇرگىزەدى.
مەكتەپ قاتىسۋشىلارعا كونتەنت جاساۋدىڭ قىر-سىرىن جانە ونى دامىتۋعا باعىتتالعان. وقۋ بارىسىندا جاستار TikTok ترەندتەرىمەن، پلاتفورمانىڭ الگورتيمدەرىمەن، ستوريتەللينگ نەگىزدەرىمەن، ءتۇسىرىلىم جانە مونتاج ادىستەرىمەن تانىسادى. سونىمەن قاتار، جەكە برەند قالىپتاستىرۋ مەن اۋديتوريامەن جۇمىس ىستەۋ ماسەلەلەرىنە ەرەكشە كوڭىل بولىنەدى.
الماتى جاستار ساياساتى باسقارماسى ايتۋىنشا، بۇل جوبا جاستاردىڭ شىعارماشىلىق الەۋەتىن ارتتىرۋعا جانە ولاردى زاماناۋي سيفرلىق يندۋستريالارعا تارتۋعا ارنالعان ءتيىمدى الاڭ بولماق.
العاشقىلاردىڭ ءبىرى بولىپ تىركەلگەن – جاس كونتەنتمەيكەر ەرنار سەمبەكوۆ. ول بەينەجازبالار ءتۇسىرىپ جۇرگەنىمەن، قارالىم مەن جازىلۋشىلار سانىن ارتتىرۋدا قيىندىقتارعا تاپ بولىپ جاتىر.
"بۇل مەكتەپ مەن ءۇشىن كونتەنتپەن دۇرىس جۇمىس ىستەۋدى ۇيرەنۋگە ۇلكەن مۇمكىندىك. ساراپشىلاردان اقىل-كەڭەستەر الىپ، ءوز يدەيالارىمدى ءساتتى جوبالارعا اينالدىرۋدى ۇيرەنەمىن دەپ ۇمىتتەنەمىن"، – دەدى ول.
وتىنىمدەر 6 ماۋسىمعا دەيىن قابىلدانادى. تىركەلۋ سىلتەمەسى مىنا جەردە.