كوپتى الاڭ قىلعان وتا ءساتتى وتكەن.
الماتىدا العاش رەت جاساندى جۇرەك يمپلانتاسياسى جاسالدى، دەپ حابارلايدى Almaty-akshamy.kz Almaty.tv cىلتەمە جاساپ.
60 جاستاعى عاپپار قالييەۆتى 2 جىلدان بەرى جۇرەك فۋنكسياسىنىڭ جەتكىلىكسىزدىگى مازالاعان. «ءىسىنۋ مەن اۋىرۋ جانىمدى قينايتىن» دەگەن ناۋقاس 38 كۇننەن بەرى اۋرۋحانادا. جۇرەگى قان ايداۋدا جەتكىلىكسىز قىزمەت اتقارعاندىقتان، و باستا ازاماتتىڭ جاعدايى اۋىر دەپ باعالانىپتى. ابىروي بولعاندا، كوپتى الاڭ قىلعان وتا ءساتتى وتكەن.
«اۋرۋ توقتامادى، كەيىننەن 1-2 ايدان قايتالانا بەردى. باسىم اۋىرادى، تۇندە ۇيىقتامايمىن، اياقتارىمدا، قارىندارىمدا ىسىك بولادى. 24 ساعات ۇيىقتاماعان كۇندەرىم كوپ بولدى. مارت ايىنان باستاپ قاتتى اۋىردىم. وزىمە سەندىم، قورىققان جوقپىن»، – دەدى ناۋقاس عاپپار قالييەۆ.
جاڭا ءادىس ارقىل جۇرەك قاننىڭ بۇكىل اعزادا اينالۋىنا كومەكتەسەدى. ياعني، تۇتىكتىڭ بىرەۋى قولقاعا، ەكىنشىسى جۇرەكتىڭ سول جاق قارىنشاسىنا قوسىلادى. ال مۇنداي جاساندى جۇرەگى بار ناۋقاستىڭ تامىر سوعىسى بولمايدى، بۇل – باستى ەرەكشەلىك.
«ەگەر ادامنىڭ سول جاق جۇرەكشەسى ىستەمەسە، سول كەزدە ناسوس قويىپ، ءبىز كومەك جاسايمىز ادامنىڭ جاعدايىن جاقسارتۋ ءۇشىن. بۇل وتا ءبىزدىڭ وڭىردە ءبىرىنشى رەت جاسالىپ جاتىر. ءبىراق مۇنداي ناۋقاستار وتە كوپ. كوپ وتا جاسالۋى كەرەك»، – دەدى كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتايەۆ.
جۇرەك يمپلانتاسياسى الماتىدا ءبىرىنشى رەت جاسالدى. كومەكشى مەحانيكالىق قۇرىلعىنى ورناتۋعا استاناداعى ۇلتتىق كارديوحيرۋرگيالىق عىلىمي ورتالىقتىڭ ماماندارى دا جۇمىلدىرىلعان. ال الماتىلىق كارديوحيرۋرگتار جۇرەك پاتولوگياسىن ەمدەۋدىڭ تىڭ ادىستەرىن ءالى دە ەنگىزەتىنىن حەتكىزدى.
«ءبىزدىڭ ماماندار وتاندىق، شەتەلدىك كلينيكالاردا تاجىريبە جيناقتادى. جالپى، بۇل وتاعا ءبىزدىڭ ۇجىم وتە ۇزاق دايىندالدى. ءساتتى وتكەن جۇرەك يمپلانتاسياسى – ءبىزدىڭ 3 جىلدىق ەڭبەگىمىزدىڭ ناتيجەسى»، – دەدى كارديولوگيا جانە ىشكى اۋرۋلار عزي باسقارما ءتورايىمى روزا قۋانىشبەكوۆا.
جۇرەك يمپلانتاسياسىن كۇتىپ جاتقان تاعى 1 ناۋقاس بار. ول ازىرگە جانساقتاۋ بولىمىندە. ازاماتتىڭ جاعدايى وتاعا قاۋقارلى دەپ تانىلعاندا كەزەكتى يمپلانتاسيا قويىلاتىن بولادى.