قازاقستاندا مۇنداي دەڭگەيدەگى جاڭاجىلدىق شوۋ بۇرىن-سوڭدى بولماعان.
رەسپۋبليكا سارايىندا بۇرىن-سوڭدى بولماعان جاڭاجىلدىق «ءاليحان جانە ۋاقىت ماشيناسىنىڭ قۇپياسى» اتتى قازاقستاندىق فانتاستيكالىق وتباسىلىق قويىلىم بولدى، دەپ حابارلايدى Almaty-akshamy.kz.
شىتىرمان وقيعاعا تولى فانتاستيكالىق شوۋ الماتىدا العاش رەت ساحنالانىپ وتىر. كۇردەلى دەكوراسيالار مەن لازەرلىك پروەكسيا. كەرەمەت كوستيۋمدەر مەن ۇلكەن شارلار، ۇشاتىن ينتەراكتيۆتى نىساندارعا باي قويىلىم كىشكەنتاي كورەرمەندەردى وقيعاعا بەلسەندى قاتىستىرۋىمەن ەرەكشەلەندى.
قازاق جانە ورىس تىلدەرىندەگى 3 پەن 12 جاس ارالىعىنداعى كورەرمەندەرگە ارنالعان وقيعا ۋاقىت ماشيناسىندا اعاسىن ىزدەپ شىققان قاراپايىم قازاق بالاسى ءاليحان تۋرالى باياندايدى. بىردە تاس داۋىرىندە، بىردە پەرعاۋىن سارايىندا، بىردە ەجەلگى وتىراردا، بىردە الىس بولاشاققا، ەلدەر مەن داۋىرلەردى باتىلدىقپەن ارالاعان ول ءتۇرلى شىتىرمان وقيعالارعا تاپ بولادى. ۋاقىت ماڭگىلىك توقتاپ قالماس ءۇشىن، ول جاڭا جىلعا دەيىن تالاي سىناقتاردان ءوتىپ، ماڭگىلىك كىلتتەردىڭ بارلىعىن جيناپ ۇلگەرۋى قاجەت.
پروديۋسەر سەرگەي رۋسكويدىڭ ايتۋىنشا، قازاقستاندا مۇنداي دەڭگەيدەگى جاڭاجىلدىق شوۋ بۇرىن-سوڭدى بولماعان.
«ءبىز ويىن-ساۋىق كونتەنتىن جاساۋ كەزىندە جاڭا ستاندارتتار ورناتتىق. بۇل جاي عانا ەڭ ۇزدىك رەجيسسەرلەردى جۇمىسقا تارتىپ، سونىمەن قاتار ەڭ وزىق تەحنولوگيالاردى، سونىڭ ىشىندە سيفرلىق دەكوراسيانى، لازەرلىك پروەكسيانى، ادام باسقاراتىن ۇشاتىن جانە ينتەراكتيۆ نىسانداردى قولدانىپ جاتقانىمىزدا ەمەس. تاعى ءبىر ەڭ ماڭىزدى نارسە بۇل: ءبىز گادجەتتەر الەمىندە ءومىر سۇرەتىن جانە سۋپەرقاھارمان بولۋدى ارماندايتىن قازىرگى زاماناۋي بالالاردىڭ تىلىندە سويلەيمىز. وسىلايشا جاڭا جىل كەشىن ءار بالانىڭ جۇرەگىندە جاڭدى ءۇن تاباتىن كەيىپكەرلەرمەن، كەڭىستىك پەن ۋاقىتقا قىزىقتى ساياحاتقا اينالدىرۋ يدەياسى تۋدى»، – دەيدى پروديۋسەر.
ال سەناريست نۇرجان تۇتوۆتىڭ پىكىرىنشە، ينتەراكتيۆتى وقيعا كورەرمەندەرگە شوۋدىڭ تولىق قاتىسۋشىسى بولۋعا جانە كوپتەگەن جاڭا نارسەلەردى بىلۋگە كومەكتەسەدى.
«بۇل يدەيانىڭ تاعى ءبىر ارتىقشىلىعى – وقيعانى ءارى قاراي جالعاستىرۋ مۇمكىندىگى بار. – بۇگىنگى تاڭدا ءاليحان جاڭا جىلدى قۇتقارسا، ال ەرتەڭ ول جاڭا قىزىقتى ساپارعا اتتانادى. وندا قانداي قىزىقتار بولماق؟ بالكىم، سۋاستى پاتشالىعىندا قازىنا ىزدەي مە؟ جاڭا پلانەتالارعا اتتانا ما؟ بۇلدىرشىندەر ەرجۇرەك باتىرمەن قايتا كەزدەسۋدى اسىعا كۇتەدى. تاماشا كوستيۋمدەر مەن اكتەرلەردىڭ، انشىلەردىڭ، بيشىلەردىڭ، ميميستەر مەن مۋزىكانتتاردىڭ تالانتى ساياحاتتى ۇمىتىلماس ەتەدى»، – دەيدى ول.
ۇيىمداستىرۋشىلاردىڭ ايتۋىنشا، نارىقتاعى ينتەراكتيۆتى سپەكتاكلدەردىڭ جاڭا ستاندارتتارىنا جانە وتباسىلىق شوۋدىڭ قازاقستاندىق وندىرىسىنە باسا نازار اۋدارىلعان. ۇشاتىن شارلار، جارقىن جيىنتىقتار، ۇشقىشسىز زىمىران شوۋ كورەرمەندەرىن بەي-جاي قالدىرمادى.
«كەرەمەت كوستيۋمدەر جانە ەڭ وزىق تەحنولوگيالار ساندىق جيىنتىقتار، لازەرلىك پروەكسيا، باسقارىلاتىن ۇشاتىن جانە ينتەراكتيۆتى نىساندار بالالار ءۇشىن عانا ەمەس، سونىمەن قاتار ولارمەن بىرگە كەلگەن اتا-انالارى ءۇشىن دە قىزىق وتەدى. ويتكەنى، ءبىز جاڭا فورماتتاعى ءھام كۇردەلى دەكوراسيالار مەن ارنايى ەففەكتىلەر ارقىلى ەلىمىزدە العاش رەت ناعىز وتباسىلىق شوۋ جاسادىق دەپ ەسەپتەيمىز. بيلەت ساتۋدان تۇسكەن قاراجاتتىڭ ءبىر بولىگى قايىرىمدىلىق ماقساتتارعا جۇمسالادى. ويتكەنى، جاڭا جىل – بارشانىڭ باسىن بىرىكتىرەتىن مەرەكە!» – دەيدى Bayev group باس ديرەكتورى الەكسەي بايەۆ.
كورەرمەندەرىنە ەرەكشە كوتەرىڭكى كوڭىل كۇي سىيلاعان قويىلىمدى 3 قاڭتارعا دەيىن كۇنىنە 2-3 رەت كورسەتۋ جوسپارلانىپ وتىر. بيلەتتەردىڭ باعاسى زالداعى ورىنعا بايلانىستى 3000 تەڭگەدەن 7000 تەڭگەگە دەيىن بەلگىلەنگەن.
ايتا كەتەيىك، پرەمەرانىڭ العاشقى كۇنى شوۋعا الماتىداعى بالالار ۇيلەرىنىڭ، كوپبالالى وتباسىلاردىڭ بالالارى جانە الەۋمەتتىك وسال جانە مۇقتاج وتباسىلاردان شىققان 2 000 بالا كەلدى.