ەڭ سۇيىكتى اجە
الماتىدا اجەلەر اراسىندا وتكەن «اسىل اجە Almaty» كونكۋرسىندا جىلدىڭ ۇزدىك اجەسى انىقتالدى، دەپ حابارلايدى Almaty-akshamy.kz.
الماتى اكىمدىگىنىڭ مالىمەتىنشە، قالادا العاش رەت 61 جاستان اسقان اجەلەر اراسىندا «اسىل اجە Almaty» سايىسى ۇيىمداستىرىلعان.
«سايىستىڭ ماقساتى – جاستاردى تاربيەلەۋ، قارت ادامداردىڭ قوعامدىق ءىس-شارالارعا قاتىسۋى، قارتتارعا قامقورلىق كورسەتۋ، وتباسىلىق ءداستۇر مەن ۇرپاقتار ساباقتاستىعىن نىعايتۋ بولدى»، - دەپ حابارلادى اكىمدىك.
سايىسقا جيىنى ءار اۋدانداعى بەلسەندى ۇزاق ءومىر ءسۇرۋ ورتالىقتارىنان 12 فيناليست تاڭداپ ىرىكتەپ الىندى. بايقاۋ ءتورت كەزەڭنەن تۇردى.
1-بايقاۋ «سۇيىكتى اجەم»– «اسىل اجە» سايىسى (ءۇي تاپسىرماسى). قاتىسۋشىلاردىڭ وتباسى مۇشەلەرى (بالالارى، نەمەرەلەرى) وتباسى جانە وتباسىلىق داستۇرلەرى، ءوزىنىڭ اجەسى تۋرالى، ونىڭ قىزىعۋشىلىقتارى جايىندا بەينەروليكتە ايتىپ بەردى.
ءادىلقازى القاسى بەينەروليكتىڭ ەرەكشەلىگى مەن تۋىستارىنىڭ قولداۋىن باعالادى.
2-بايقاۋ «تاماشا ءدام» — «اسپازدىق شەبەرلىك» (ءۇي تاپسىرماسى). ءاربىر قاتىسۋشى ءوز قولىمەن استى دايىنداۋ بارىسىندا ءوزىنىڭ اسپازدىق شەبەرلىگىن كورسەتتى. ءادىلقازىلار القاسى استىڭ ءدامىن، سىرتقى ءتۇرىن، اسەمدىگىن باعالادى.
3-بايقاۋ «ونەرلى اجە» — «شىعارماشىلىق بايقاۋ».
مۇندا قاتىسۋشىلار وزدەرىنىڭ شىعارماشىلىق قابىلەتىن ءار ءتۇرلى جانردا: ۆوكال، كوركەم ءسوز وقۋ، بي بيلەۋ جانە ت.ب. كورسەتتى. ءادىلقازى القاسى ءسوز سويلەۋ شەبەرلىگىن، ورىنداۋ مانەرىن باعالادى.
4-بايقاۋ «سىمباتتى اجەلەر» — «ەڭ سۇيكىمدى جانە تارتىمدى». كەشكى ءساندى كويلەكتەر كورسەتۋ كەزەڭى.
كونكۋرس قورىتىندىسى بويىنشا 62 جاستاعى گۇلنار اجەي قۇنانبايەۆا گران-پري يەگەرى اتاندى.
ول «اسىل اجە Almaty 2023» اتاعىن يەلەنىپ، پلازمالىق smart تەلەديدار جەڭىپ الدى.
سايىسقا قاتىسقان باسقا دا اجەلەر نوميناسيا يەگەرلەرى اتانىپ، بارىنە دەمەۋشىلەر ەسەبىنەن سەرتيفيكات، ميكروتولقىندى پەش، بلەندەر، باسقا دا باعالى سىيلىقتار تابىس ەتىلدى.
شارانى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن الماتى قالاسىنىڭ بەلسەندى ءومىر ورتالىعى جانە قازاقستان كومپوزيتورلار وداعى ۇيىمداستىردى.