الەۋمەتتىك قىزمەت كورسەتۋ ۇيىنە ءتۇرلى قيىن جاعدايلارعا تاپ بولعان ازاماتتار كەلەتىندىگى ەسكەرىلىپ، ورتالىقتا ادۆوكات پەن پسيحولوگ بولمەلەرى قاراستىرىلعان.
بۇگىن الماتى قالاسىنىڭ اكىمى باقىتجان ساعىنتايەۆ قالانىڭ ۇكىمەتتىك ەمەس ۇيىمدارى مەن قوعامدىق بىرلەستىكتەرىنىڭ وكىلدەرىمەن بىرگە الەۋمەتتىك قىزمەتتەر ءۇيىنىڭ اشىلۋىنا قاتىستى، دەپ حابارلايدى Almaty-akshamy.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساي وتىرىپ.
عيماراتتى رەكونسترۋكسيالاۋ وتكەن جىلى باستالدى. قىسقا مەرزىم ىشىندە مۇندا «ءبىر تەرەزە» قاعيداتى بويىنشا بارلىق الەۋمەتتىك قىزمەتتەردى الۋشىلارعا قولايلى جاعدايلار جاسالادى. كورسەتىلەتىن قىزمەتتەردىڭ جالپى سانى 776-عا جۋىق.
باقىتجان ساعىنتايەۆ مەملەكەتتىك ورگاندار مەن قارجى ينستيتۋتتارىنىڭ ينتەگراسياسى الەۋمەتتىك قىزمەت كورسەتۋدىڭ ساپاسىن جاڭا دەڭگەيگە كوتەرەتىنىنە سەنىم ءبىلدىردى.
«قالالىقتاردى الەۋمەتتىك دامىتۋ جانە قولداۋ – «الماتى-2050» دامۋ ستراتەگياسىندا كورسەتىلگەن الماتى اكىمدىگىنىڭ باستى جانە ستراتەگيالىق مىندەتى. ءبىزدىڭ ماقساتىمىز — الماتىنى تەڭ مۇمكىندىكتەر ءارى ينكليۋزيۆتى تۇلعاعا باعىتتالعان ورتالىقتانعان قالا جاساۋ»، - دەپ اتاپ ءوتتى مەگاپوليس اكىمى.
وسى ماقساتقا جەتۋ ءۇشىن الەۋمەتتىك باعدارلانعان بيۋدجەت قالىپتاسۋدا، ونىڭ 46%-ى بيىلعى جىلى الەۋمەتتىك سالانى دامىتۋعا جۇمسالاتىن بولادى.
بيىلعى جىلى الەۋمەتتىك قولداۋعا 25 ميلليارد تەڭگە ءبولىنىپ، 124 مىڭ ادام (الەۋمەتتىك كومەك - 7،1 ملرد.، ارناۋلى الەۋمەتتىك قىزمەتتەر - 4،6 ملرد.، مۇگەدەكتەردى الەۋمەتتىك قورعاۋ - 5،6 ملرد، حالىقتى جۇمىسپەن قامتۋ - 6،1 ملرد، بەلسەندى ۇزاق ءومىر، باقىتتى وتباسى - 954 ملن شىڭعا ورلەۋ، تاۋەلسىز مەكتەپ ءومىرى – 406 ملن تەڭگە) قامتىلاتىن بولادى.
مۇمكىندىگى شەكتەۋلى تۇلعالاردىڭ ەش كەدەرگىسىز كىرۋلەرى ءۇشىن عيمارات كوتەرگىش قۇرىلعىسىمەن جابدىقتالعان. ءبىرىنشى قاباتتاعى كەڭ وپەراسيا زالىندا كەلۋشىلەردى الماتى قالالىق الەۋمەتتىك ءال-اۋقات، تۇرعىن ءۇي ساياساتى باسقارمالارىنىڭ، الماتىنىڭ جۇمىسپەن قامتۋ ورتالىعىنىڭ، ازاماتتارعا ارنالعان ۇكىمەتتىڭ «حقكو»-نىڭ «زەينەتاقى تولەۋدىڭ مەملەكەتتىك ورتالىعى» اقف-نىڭ، الماتى پوليسياسى دەپارتامەنتىنىڭ كوشى-قون قىزمەتى باسقارماسىنىڭ، الماتى قالاسى بويىنشا ەڭبەك كوميتەتىنىڭ، الەۋمەتتىك قورعاۋ جانە كوشى-قون دەپارتامەنتىنىڭ كەڭەسشىلەرى قابىلدايدى.
ەكىنشى قاباتتا الماتىنىڭ جۇمىسپەن قامتۋ ورتالىعىنىڭ وپەراسيا زالى جانە بەك-وفيس ورنالاسادى، ءوتىنىش بەرۋشىلەر قولايلى جۇمىس ورىندارىن، ال جۇمىس بەرۋشىلەر وزدەرىنە كەرەك جۇمىسشىلاردى تابا الادى.
مۇندا كاسىپ تاڭداۋ كەزىندە كاسىبي باعدار بەرۋ، كاسىبي دايارلاۋ، جۇمىسسىز ازاماتتارعا قايتا دايارلاۋ، بىلىكتىلىگىن ارتتىرۋ، «باستاۋ-بيزنەس» باعدارلاماسى بويىنشا وقۋعا جولداما جانە تەگىن گرانتتار بەرۋ بويىنشا كەڭەس بەرۋ قىزمەتتەرى ۇسىنىلادى.
ءۇشىنشى جانە ءتورتىنشى قاباتتاردا الماتىنىڭ الەۋمەتتىك ءال-اۋقات باسقارماسى، تۇرعىن ءۇي ساياساتى باسقارماسىنىڭ پاتەرلەردى ءبولۋ ءبولىمى جانە «ادالدىق الاڭىنىڭ» حالىققا قىزمەت كورسەتۋ ايماعى ورنالاسادى.
بەسىنشى قاباتتا الماتىنىڭ تۇرعىن ءۇي ساياساتى باسقارماسىنىڭ ءتۇرلى بولىمدەرى جانە ءارتۇرلى شارالار وتكىزەتىن كوپبەيىندى اكت زالى بولادى.
الەۋمەتتىك قىزمەت كورسەتۋ ۇيىنە ءتۇرلى ومىرلىك قيىن جاعدايلارعا، ونىڭ ىشىندە كەلىسپەۋشىلىكتەرگە تاپ بولعان كوپتەگەن ازاماتتار كەلەتىندىگى ەسكەرىلىپ، ورتالىقتا ادۆوكات پەن پسيحولوگ بولمەلەرى قارستىرىلعان. بالالارمەن كەلگەن قوناقتارعا ىڭعايلى بولۋ ءۇشىن ويىن الاڭى جابدىقتالعان.
بۇرىندارى مۇگەدەكتەر الەۋمەتتىك قىزمەتتەردى كورسەتەتىن ۇيىمدارعا بارۋ ءۇشىن ۇلكەن قيىندىقتارعا تاپ بولاتىن. ەندى ولارعا قاعازباستىلىق پەن اكىمشىلىك كەدەرگىلەر جويىلعان ءارى ءتيىستى پروسەدۋرالاردى ىسكە اسىرۋ جانە بارلىق قۇجاتتارعا ءبىر جەردەن قول قويۋ مۇمكىندىكتەرى تۋىپ وتىر.
الەۋمەتتىك قىزمەت كورسەتۋ ءۇيى دامىعان كولىك ينفراقۇرىلىمى بار دوستىق داڭعىلىنىڭ بويىنا ورنالاسقان، جانىندا مەترونىڭ «اباي» بەكەتى بار، باعىتتار بويىنشا 7 اۆتوبۋس جانە 3 تروللەيبۋس جۇرەدى. ياعني، قالا تۇرعىندارى الەۋمەتتىك قىزمەت كورسەتۋ ۇيىنە قالانىڭ كەز-كەلگەن نۇكتەسىنەن بارا الادى.