الاتاۋ اۋدانىنداعى «توميريس» شاعىن اۋدانىندا بەلگىلى ءبىر تۇراعى جوق ادامدارعا ارنالعان الەۋمەتتىك كومەك پۋنكتىنىڭ قۇرىلىسى جۇرگىزىلۋدە دەپ حابارلايدى almaty-akshamy.kz
سىيىمدىلىعى 143 توسەك-ورىندى قۇرايدى، جالپى اۋدانى 4،5 مىڭ شارشى مەتر.
پۋنكتتىڭ قۇرىلىسى بەلگىلى ءبىر تۇرعىلىقتى جەرى، كاسىبى جانە ءومىر ءسۇرۋ قاراجاتى جوق ادامدارعا الەۋمەتتىك، مەديسينالىق جانە وزگە دە كومەك كورسەتۋ ماقساتىندا، سونداي-اق حالىقتىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ جانە الماتى قالاسىنىڭ قوعامدىق ءتارتىبىن نىعايتۋ ءۇشىن كوزدەلەدى.
اتالعان مەكەمەنىڭ باستى مىندەتى قيىن ومىرلىك جاعدايعا تاپ بولعان ادامعا توسەك-ورىن بەرۋ عانا ەمەس، ونى بەيىمدەۋ جانە قالىپتى ومىرگە قايتارۋ، – دەدى بۇگىن قالا اكىمىنىڭ ورىنباسارى مۇحيت ازىربايەۆ «وڭىرلىك كوممۋنيكاسيالار قىزمەتى» الاڭىندا وتكەن باسپا ءسوز كونفەرەنسياسىندا