بۇل تۋرالى «پانا» الەۋمەتتىك بەيىمدەۋ ورتالىعى» كمم ديرەكتورى بولات ايتمۇرزايەۆ Instagram الەۋمەتتىك جەلىسىندە جازدى، دەپ حابارلايدى almaty-akshamy.kz
«قالا حالقىنىڭ ۇلعايۋى مەن ومىرلىك قيىن جاعدايعا تاپ بولعان جاندارعا الەۋمەتتىك كومەك كورسەتۋ قاجەتتىلىگىنە بايلانىستى تۇنەۋ ءۇيى الەۋمەتتىك بەيىمدەۋ ورتالىعى بولىپ قايتا قۇرىلدى. ءوتىنىش بىلدىرگەن تۇرعىلىقتى جەرى جوق ادامدار تۇنگى ۋاقىتتا عانا ەمەس، سونىمەن قاتار، تاۋلىك بويى ارناۋلى الەۋمەتتىك قىزمەتتەردىڭ كەپىلدەندىرىلگەن كولەمىن ورتالىقتا الۋعا مۇمكىندىك الدى»، - دەپ اتاپ ءوتتى ول.
ورتالىق بەلگىلى ءبىر تۇرعىلىقتى جەرى جوق، كامەلەت جاسىنا تولعاندار جانە باس بوستاندىعىنان ايىرۋ ورىندارىنان بوساتىلعان، پروباسيا قىزمەتىندە ەسەپتە تۇراتىن ادامدار ءۇشىن ءبىر تاۋلىك تۇرۋعا نەمەسە ۋاقىتشا تۇرۋعا (تاۋلىكتىڭ تۇنگى ۋاقىتىندا) ارنالعان. 230 توسەك-ورىنعا ەسەپتەلگەن، ونىڭ ىشىندە 50 توسەك – تۇنەۋ بولىمشەسىنىكى.
«قاڭعىباستىق ءومىر سالتىن وزگەرتكىسى كەلمەيتىن ادامدارعا تۇنەۋ بولىمشەسى ۇيىمداستىرىلدى. ولارعا تاۋلىكتىڭ تۇنگى ۋاقىتىندا توسەك-ورىن بەرىلەدى، ءبىراق ىستىق تاماقپەن قامتاماسىز ەتىلمەيدى. مۇندا ورتالىقتىڭ ماماندارى الەۋمەتتىك قىزمەتتەردىڭ 7 ءتۇرىن كورسەتەدى»،- دەپ جازدى بولات ايتمۇرزايەۆ.