كىنالى دەپ تانىلدى.
الماتىدا الەۋمەتتىك ءال-اۋقات باسقارماسىنىڭ باس مامانى - ەڭبەك قاۋىپسىزدىگىن باقىلاۋ ءبولىمىنىڭ مەملەكەتتىك ەڭبەك ينسپەكتورى پارامەن ۇستالدى، دەپ حابارلادى Almaty-akshamy.kz قازاقپاراتقا سىلتەمە جاساپ.
اعىمداعى جىلدىڭ 7 ساۋىرىندە الماتى قالاسى مەدەۋ اۋداندىق №2 سوتىنىڭ ۇكىمىمەن الماتى قالاسى بويىنشا الەۋمەتتىك ءال-اۋقات باسقارماسىنىڭ باس مامانى - ەڭبەك قاۋىپسىزدىگىن باقىلاۋ ءبولىمىنىڭ مەملەكەتتىك ەڭبەك ينسپەكتورى ا.ق.قاپاروۆ ق ر قك 366-بابىنىڭ 3-بولىگى 4-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلدى.
«ا.ق.قاپاروۆ وقۋ ورتالىقتارىنىڭ وكىلدەرىنەن قاۋىپسىزدىك جانە ەڭبەكتى قورعاۋ بويىنشا كۋرستان وتكەنى تۋرالى سەرتيفيكاتتارعا بىرنەشە رەت قول قويعانى ءۇشىن 150 000 تەڭگەگە دەيىن پارا العان. وعان مەملەكەتتىك قىزمەتتە، جەرگىلىكتى ءوزىن-وزى باسقارۋ ورگاندارىندا، مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 1 819 740 تەڭگە مولشەرىندە ايىپپۇل سالىندى. ۇكىم زاڭدى كۇشىنە ەنگەن جوق»، - دەلىنەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ حابارلاماسىندا.