الماتىدا انالار مەن بالالار دەنساۋلىعىنا ارنالعان حالىقارالىق كونفەرەنسيا ءوتتى.
الماتىدا «سالاۋاتتى ۇرپاق – قازاقستان بولاشاعى» اتتى III حالىقارالىق عىلىمي-پراكتيكالىق كونفەرەنسيا ءوتتى. ءىس-شارا اياسىندا الەمدىك دەڭگەيدەگى Live-surgery شەبەرلىك ساباقتارى ۇيىمداستىرىلىپ، 15 جوعارى تەحنولوگيالىق وپەراسيا تىكەلەي ەفيردە كورسەتىلدى، دەپ حابارلايدى aqshamnews.kz.
دسم مالىمەتىنشە، فورۋم جۇمىسىنا الماتى قالاسى اكىمىنىڭ ورىنباسارى اسەم ءنۇسىپوۆا مەن ق ر دەنساۋلىق ساقتاۋ مينيسترلىگىنىڭ وكىلدەرى قاتىستى. شارا بارىسىندا العاش رەت ەلىمىزدە فەتالدىق حيرۋرگيا مەن “ءبىر كۇندىك كلينيكا” جوباسى تانىستىرىلدى.
پەريناتولوگيا جانە بالالار كارديوحيرۋرگياسى ورتالىعىنىڭ بازاسىندا وتكەن كونفەرەنسياعا قازاقستان، رەسەي، ءۇندىستان، يتاليا، جۇڭگو، يزرايل سىندى ەلدەردەن 600-دەن استام مەديسينا مامانى قاتىستى. ولار سيرەك كەزدەسەتىن پاتولوگيالاردى ەمدەۋدەگى جاڭا تاسىلدەرمەن تانىسىپ، تاجىريبە الماستى.
كونفەرەنسيادا جەتەكشى ساراپشىلار اكۋشەرلىك، پەدياتريا، گەنەتيكا جانە رەپرودۋكتولوگيا سالالارىنداعى زاماناۋي جەتىستىكتەر جايلى بايانداما جاسادى. شارا مەديسينالىق ءبىلىم الماسۋدىڭ ماڭىزدى الاڭى بولىپ، قازاقستانداعى انا مەن بالا دەنساۋلىعى سالاسىنداعى ىلگەرىلەۋدى كورسەتتى.