وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە الماتىداعى جولداردىڭ جاعدايى تۋرالى اقپاراتتى قالالىق موبيلدىلىك باسقارماسىنىڭ باسشىسى عاني مىرزاحانوۆ حابارلادى. ول بيىل مەگاپوليستە 206 شاقىرىم جول جوندەلەتىنىن ايتتى، دەپ حابارلايدى almaty-akshamy.kz
قالالىق موبيلدىلىك باسقارماسىنىڭ باسشىسى الماتىدا كوشە مەن جول تورابىنىڭ جالپى ۇزىندىعى 3 096 شاقىرىمدى قۇرايتىنىن، ونىڭ 298 شاقىرىمى اسفالتتالماعانىن اتاپ ءوتتى.
«الماتىدا 2025 جىلعا قاراي جولداردى 95%-عا جاقسى جانە قاناعاتتانارلىق جاعدايعا جەتكىزۋ ءۇشىن 350 شاقىرىم جاڭا جول سالۋدى جوسپارلاۋدامىز»، - دەدى عاني مىرزاحانوۆ.
سپيكەردىڭ ايتۋىنشا، الماتىدا 2021 جىلدىڭ باسىنان بەرى 125 393 ش.م الاڭنىڭ شۇڭقىرلارى جوندەلدى، 1058 ليۋك پەن تورلار كوتەرىلدى، 3 188 بورديۋرلەر تۇزەتىلدى جانە 93 914 سىزاتتار ماستيكامەن تولتىرىلدى.
ع. مىرزاحانوۆ اعىمداعى جىلى ۇزىندىعى 206 شاقىرىم بولاتىن 212 كوشەدەگى جولداردى ورتاشا جوندەۋدى جۇرگىزۋ جوسپارلانىپ وتىرعانىن قوستى. ونىڭ ىشىندە ۇزىندىعى 43 كم 20 نەگىزگى كوشەدە: رىسقۇلوۆ، ءسۇيىنباي داڭعىلدارى، ساتبايەۆ، كۋدەرين، جانسۇگىروۆ، رايىمبەك، ياسساۋي، شالياپين، مومىش ۇلى، جاندوسوۆ، سەيفۋللين، قۇرمانعازى كوشەلەرى، شااج، تر حاليۋللين كوشەسى – قۇلجا تراكتى، سولتۇستىك اينالما كوشەسى، بۋرۋنداي، تاتتىبەكوۆ، وماروۆ، تولە بي كوشەلەرى.
«قازىرگى كەزدە 95 كوشەدە جوندەۋ جۇمىستارى اياقتالدى، ونىڭ ىشىندە 12 نەگىزگى كوشە، ۇزىندىعى 24 كم، جەرگىلىكتى 83، ۇزىندىعى 68،2 كم، 39 كوشەدە جۇمىس جۇرگىزىلۋدە. جول جۇمىستارىن اياقتاۋ جانە كولىكتەردىڭ نەگىزگى كوشەلەر بويىمەن ءوتۋىن قامتاماسىز ەتۋ قىركۇيەك ايىنىڭ سوڭىنا دەيىن جوسپارلانعان. بارلىق باسقا اۋداندىق ماڭىزى بار كوشەلەردە جوندەۋ جۇمىستارىن قازان ايىنىڭ سوڭىنا دەيىن اياقتاۋ جوسپارلانىپ وتىر»، - دەپ قوستى الماتى قمب باسشىسى.
ع. مىرزاحانوۆ تاۋلى اۋداندارداعى جولداردى كۇتىپ ۇستاۋ تۋرالى ايتتى. جازدا جانە قىستا قاۋىپسىزدىكتى قامتاماسىز ەتۋگە ارنايى تەحنيكا كومەكتەسەدى. مەدەۋ جانە شىمبۇلاق ايماقتارىندا جولداردى كۇتىپ ۇستاۋ پۋنكتتەرى بار. سپيكەر تاۋلى ايماقتارداعى جولداردى كۇتىپ ۇستاۋ اۋداندىق اكىمدىكتەردىڭ قۇزىرىندا ەكەنىن اتاپ ءوتتى.