الماتىدا 2025 جىلعا قاراي 2 جاڭا اۆتوپارك پەن 5 جاڭا جانارماي قۇيۋ ستانسياسى پايدالانۋعا بەرىلىپ، تروللەيبۋس پاركى جاڭارتىلادى. جوسپاردا 200 تروللەيبۋس ساتىپ الۋ بار. بۇل تۋرالى الماتىنى 2025 جىلعا دەيىن دامىتۋ باعدارلاماسى جانە 2030 جىلعا دەيىنگى نەگىزگى باسىمدىقتارىندا ايتىلعان، دەپ حابارلايدى اlmaty-akshamy.kz.
2025 جىلعا دەيىن 1200 ديزەلدى اۆتوبۋس گاز بەن ەلەكتر تارتىمىنا اۋىسادى. قوعامدىق ەلەكتر كولىگى ءۇشىن زاريادتاۋ ينفراقۇرىلىمىنىڭ جەلىسىن قۇرۋ جوسپارلانۋدا (2030 ج.). 2030 جىلعا قاراي ەلەكتر اۆتوبۋستارىنا ارنالعان 3 جاڭا زاماناۋي دەپو پايدالانۋعا بەرىلەدى.
جەكە اۆتوكولىكتى از پايدالانۋ ءۇشىن 2030 جىلعا دەيىن قوعامدىق كولىكپەن تاسىمالداۋ ساپاسى جاقسارادى. ول ءۇشىن برت جۇردەك باعىتتارىنىڭ سانىن ارتتىرۋ جوسپارلانۋدا. ءقازىر 3097 شاقىرىم جولدىڭ 150 شاقىرىمى نەمەسە 4،8 پايىزى بولىنگەن جولاقتار. «الماتى ارەنادان» تولە بي كوشەسى بويىمەن جەڭىل رەلستى ترامۆايدىڭ (LRT) ءبىرىنشى جەلىسىن ىسكە قوسۋ جوسپارلانعان. سونداي-اق، شاعىن موبيلدىلىك جانە باسقا ينفراقۇرىلىم ءۇشىن 60 كم جاڭا ۆەلوجول سالىنادى. بۇل قالا تۇرعىندارىنىڭ ءقاۋىپسىز ءجۇرىپ-تۇرۋىنا كومەكتەسەدى جانە مۋلتيمودالدى قوزعالىستىڭ سانىن ارتتىرادى.
الماتىدا "ماياتنيكتىك كولىك" (كەلەتىن جانە كەتەتىن جەكە كولىك) دەڭگەيىن تومەندەتۋ ءۇشىن جۇمىس ىستەپ تۇرعان وندىرىستەردى قالادان اۋىستىرۋ جانە جاڭا وندىرىستەر اشۋ جوسپارلانۋدا. سونداي-اق، قوعامدىق كولىكپەن تاسىمالداۋ كولەمى ۇلعايتىلاتىن بولادى. 2030 جىلعا دەيىن كەزەڭ-كەزەڭمەن قالادا شىعارىندىلار دەڭگەيى تومەن ايماقتاردا كولىكتىڭ ءجۇرىپ ءوتۋىن شەكتەيدى، اۆتوموبيل تۇراقتارى ءۇشىن تولەمدى ارتتىرادى.