الماتىداعى «الاتاۋ» ءداستۇرلى ونەر تەاترى العاش رەت كۇردەلى جوندەۋدەن وتۋدە.
عيمارات اشىلعالى بەرى مۇنداي اۋقىمدى جاڭارتۋ قولعا الىنعان ەمەس. جوندەۋ جۇمىستارى قاسبەتتى، كينوزالدى، ەدەن جابىنى مەن ورىندىقتاردى، سونداي-اق عيمارات اينالاسىن قامتيدى، دەپ حابارلايدى aqshamnews.kz.
ەرەكشە نازار از قوزعالا الاتىن ازاماتتارعا قولايلى جاعداي جاساۋعا بولىنگەن. جۇرگىزىلىپ جاتقان جۇمىستار كورەرمەنگە دە، شىعارماشىلىق ۇجىمعا دا بارىنشا جايلى ورتا قالىپتاستىرۋعا باعىتتالعان. ماڭىزدىسى – تەاتردىڭ زاماناۋي ءارى قولايلى بولۋى.
نىساندى الماتى ءماسليحاتىنىڭ دەپۋتاتتارى بارىپ كوردى. دەلەگاسياعا مادەنيەت، سپورت، ىشكى ساياسات، ءدىن جانە جاستار ءىسى جونىندەگى كوميسسيا ءتورايىمى ديانا ەرلان جەتەكشىلىك ەتتى. دەپۋتاتتار قالاداعى تەاتر ۇجىمدارىنىڭ رەسپۋبليكالىق جانە حالىقارالىق دەڭگەيدە جەتىستىكتەرگە جەتىپ جۇرگەنىن اتاپ ءوتتى. سونداي-اق ولار «الاتاۋ» تەاترىنىڭ 10 جىلدىق مەرەيتويىن جاڭارعان، زاماناۋي كەلبەتىمەن قارسى الۋى قاجەتتىگىن ەرەكشە ايتتى.
كۇردەلى جوندەۋدى وسى جىلدىڭ سوڭىنا دەيىن اياقتاۋ جوسپارلانعان.