قازاقستان رەسپۋبليكاسىنىڭ باس پروكۋراتۋراسى قازاقستان ازاماتشاسىن اسا ءىرى كولەمدە الاياقتىق جاساعانى ءۇشىن قىلمىستىق جاۋاپتىلىققا تارتۋ ماقساتىندا قىرعىز رەسپۋبليكاسىنان ەكستراديسيالادى.
اتالعان تۇلعا 2023 جىلدىڭ ماۋسىمىندا ادامدار توبىنىڭ الدىن الا ءسوز بايلاسۋى بويىنشا الماتى قالاسىنداعى بانكتەردىڭ بىرىنە كليەنتتەردىڭ اتىنان ولاردىڭ بانكتىك شوتتارىنا تىركەلگەن ابونەنتتىك نومىرلەرىن وزگەرتۋ تۋرالى حابارلامالار جىبەرىپ، وسىلايشا بانك شوتتارىنا قول جەتكىزگەن، دەپ حابارلايدى aqshamnews.kz باس پروكۋراتۋراعا سىلتەمە جاساپ.
وسىدان كەيىن كۇدىكتى قاشىقتان قول جەتكىزۋ ارقىلى 5 جابىرلەنۋشىنىڭ شوتىنان «دروپپەرلەردىڭ» بانكتىك شوتتارىنا اقشا اۋدارىپ، ولاردىڭ قاراجاتىن يەمدەنگەن.
ونىڭ قىلمىستىق ارەكەتتەرىنىڭ سالدارىنان جابىرلەنۋشىلەرگە 230 ميلليون تەڭگەدەن استام شىعىن كەلتىرىلگەن.
اعىمداعى جىلدىڭ قاڭتارىندا ول بىشكەك اۋەجايىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
ءقازىر كۇدىكتى ۋاقىتشا ۇستاۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.