الماتىدا وتكەن جىلدان بەرى 9 مىڭنان استام الاياقتىق دەرەگى تىركەلدى.
قايتالاناتىن قىلمىستىق ارەكەتتەردىڭ سالدارىنان ازاماتتار 25 ميلليارد تەڭگەدەن استام قارجىسىنان ايىرىلعان. تەرگەۋ باسقارماسى كوپ ەپيزودتى ءۇش قىلمىستىق ءىستى قاراستىردى، دەپ حابارلايدى aqshamnews.kz Polisia.kz-كە سىلتەمە جاساپ.
زارداپ شەككەندەردىڭ سانى 300-دەن 1400 ادامعا دەيىن جەتكەن. ەكى قىلمىستىق ءىس بويىنشا تەرگەۋ اياقتالىپ، سوتقا جولداندى. ال ءۇشىنشى ءىس بويىنشا تەرگەۋ جۇمىستارى جالعاسۋدا. جەدەل احۋالدى تۇراقتاندىرۋ ماقساتىندا پوليسيا حالىقپەن تىعىز جۇمىس ىستەۋدە.
نەگىزگى باعىتتاردىڭ ءبىرى – تۇرعىنداردىڭ قۇقىقتىق ساۋاتتىلىعىن ارتتىرۋ. بۇل ب ا ق ارقىلى، كوشەلەر مەن قوعامدىق ورىنداردا الاياقتىقتىڭ تۇرلەرى مەن ادىستەرى تۋرالى اقپاراتتىق جادىنامالار تاراتۋ ارقىلى جۇزەگە اسىرىلىپ جاتىر. سونىمەن قاتار الاياقتىقتىڭ جاڭا ادىستەرى، ولاردى جاساۋ جولدارى جانە الدىن الۋ شارالارى بويىنشا تۇراقتى تۇردە مونيتورينگ جۇرگىزىلىپ جاتىر.