الماتىدا ايەلدىڭ باسىن كەسىپ، بازارعا تاستاپ كەتكەن ەر ادام ۇستالدى

Orda.kz-ءتىڭ جازۋىنشا، كۇدىكتى رەتىندە 60 جاستاعى ەر ادام ۇستالعان. ول كوز جۇمعان ايەلمەن بىرگە تۇردى دەگەن بولجام بار. 

ايتا كەتەيىك، كۇدىكتى باس سالىنعان قولىنداعى پاكەتتى شامامەن ساعات 12ء-نىڭ كەزىندە شۇجىق ساتاتىن دۇكەنگە تاستاپ كەتكەن. وعان دەيىن بازار ءىشىن ارلى-بەرلى 3-4 رەت اينالىپ جۇرگەن كورىنەدى. 

ساتۋشى پاكەتتى اشقاندا ىشىندەگى باستى كورىپ، ەسىنەن تانىپ قالا جازداعان. 

سول كۇنى بازار جانىنداعى ساياباق ماڭىنداعى قاراۋسىز قالعان عيمارات جانىنان تاڭعى ساعات 9-دىڭ شاماسىندا ايەلدىڭ ءمايىتى تابىلعان. جەكە باسى انىقتالدى. 1976 جىلى تۋعان ايەل بۇرىن بىرنەشە رەت سوتتالعان.

وقيعاعا قاتىستى الماتى قالاسى پد رەسمي وكىلى سالتانات ازىربەك: «تۇراقتى تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعان.  ءبىراز ۋاقىتتان كەيىن سول ماڭداعى ساۋدا ورىندارىنىڭ بىرىنەن ايەلدىڭ باسى تابىلدى. قازىرگى ۋاقىتتا اتالعان دەرەك بويىنشا،  تۇركسىب اۋداندىق  پوليسيا باسقارماسىمەن قىلمىستىق كودەكستىڭ  99-بابى بويىنشا قىلمىستىق ءىس تىركەلدى. قىلمىستىڭ ءمان-جايى انىقتالىپ جاتىر»، – دەدى.

تەرگەۋ ءالى دە جۇرگىزىلىپ جاتىر. 

فوتو: orda.kz