3 قاراشا كۇنى قازاقستاننىڭ 14 وبلىسى مەن ەكى وبلىس ورتالىعىندا اۋا رايى كۇرت ناشارلايدى.
سينوپتيكتەر رەسپۋبليكانىڭ باسىم بولىگىندە جەل كۇشەيىپ، قار، جاڭبىر جانە كوكتايعاق بولادى دەپ بولجاپ وتىر، - دەپ حابارلايدى Aqshamnews.kz.
تەك ەلدىڭ وڭتۇستىك-شىعىسى مەن باتىسىندا عانا كۇن جاۋىن-شاشىنسىز وتەدى.
الماتى وبلىسىندا وڭتۇستىك-شىعىستان سوققان جەل كۇندىز سولتۇستىك-باتىسقا اۋىسىپ، ەكپىنى 15–20 م/س جەتەدى. تاۋلى ايماقتاردا تۇمان، تالدىقورعاندا تۇندە –1…–3°س دەيىن اياز كۇتىلەدى.
اتىراۋ وبلىسىندا تۇندە جانە تاڭەرتەڭ تۇمان تۇسەدى. اقمولا وبلىسىندا بوران مەن كوكتايعاق كۇتىلەدى. كوكشەتاۋدا جەلدىڭ ەكپىنى 20 م/س دەيىن كۇشەيەدى.
پاۆلودار وبلىسىندا جاڭبىر مەن قار ارالاس، كوكتايعاق بولادى. تۇركىستان وبلىسىندا كۇندىز جەلدىڭ ەكپىنى 20 م/س دەيىن كۇشەيىپ، ءوڭىردىڭ وڭتۇستىگى مەن باتىسىندا ءورت ءقاۋپى وتە جوعارى دەڭگەيدە ساقتالادى. اباي وبلىسىندا كەي جەرلەردە جەلدىڭ كۇشى 23–28 م/س دەيىن جەتەدى.
شىعىس قازاقستان وبلىسىندا كوكتايعاق پەن تۇمان، سونداي-اق 25 م/س دەيىن جەل سوعادى. جامبىل وبلىسىندا تۇندە جانە تاڭەرتەڭ تۇمان، جەلدىڭ ەكپىنى 25 م/س دەيىن جەتەدى. ۇلىتاۋ، قاراعاندى جانە قوستاناي وبلىستارىندا بوران مەن كوكتايعاق كۇتىلەدى.
جەتىسۋ وبلىسىندا كەي جەرلەردە تۇمان مەن اياز، جەل 28 م/س دەيىن كۇشەيەدى. قىزىلوردا وبلىسىندا جەلدىڭ جىلدامدىعى 20 م/س دەيىن جەتەدى، وڭىردە جوعارى ءورت ءقاۋپى ساقتالادى. سولتۇستىك قازاقستان وبلىسىندا بوران مەن كوكتايعاق، ال پەتروپاۆلدا اۋا تەمپەراتۋراسى تۇندە –12°س دەيىن تومەندەيدى. باتىس قازاقستان جانە ماڭعىستاۋ وبلىستارىندا تۇندە جانە تاڭەرتەڭ تۇمان كۇتىلەدى.