«AMANAT» پارتياسىنىڭ الماتى قالالىق فيليالىنىڭ ايەلدەر قاناتى ايەلدەردىڭ كوشباسشىلىق الەۋەتىن ارتتىرۋعا باعىتتالعان جۇمىستاردى كۇشەيتۋدە
«AMANAT» پارتياسىنىڭ الماتى قالالىق فيليالى جانىنداعى ايەلدەر قاناتى ايەلدەردىڭ مارتەبەسىن كوتەرۋ جانە ولاردىڭ قوعامدىق-ساياسي ومىرگە قاتىسۋىن كەڭەيتۋگە باعىتتالعان باستامالاردى بەلسەندى تۇردە جۇزەگە اسىرىپ كەلەدى. پارتيانىڭ باسىمدىقتارىنىڭ ءبىرى – قوعامداعى ايەلدەردىڭ ءرولىن نىعايتۋ.
جۇمىس توعىز نەگىزگى باعىتتى قامتيدى: ايەلدەردىڭ ساياسي كوشباسشىلىعىن قولداۋ؛ قوعامدىق يگىلىكتى نىعايتۋ ماقساتىندا پسيحولوگيالىق قىزمەتتەردىڭ دامۋىنا جاردەمدەسۋ؛ ايەلدەر دەنساۋلىعىن ساقتاۋ، وتباسىلىق قۇندىلىقتاردى ىلگەرىلەتۋ جانە بالالاردىڭ قۇقىقتارىن قورعاۋ؛ ەڭبەكتى قورعاۋ جانە ايەلدەردىڭ جۇمىس ورىندارىنداعى قاۋىپسىزدىگىن قامتاماسىز ەتۋ؛ زاڭ جوبالارىنا گەندەرلىك ساراپتاما جۇرگىزۋ؛ عىلىم سالاسىنداعى ايەلدەردى قولداۋ؛ ايەلدەرگە قاتىستى زورلىق-زومبىلىققا قارسى تۇرۋ؛ ينكليۋزيۆتى قوعامدى دامىتۋ؛ گەندەرلىك تەڭدىك قاعيداتتارىن ىلگەرىلەتۋ.
«AMANAT» پارتياسىنىڭ ساياسي كوشباسشىلىق مەكتەبى – بۇل ايەلدەردىڭ كوشباسشىلىق الەۋەتىن دامىتۋعا، ولاردىڭ قوعامدىق-ساياسي پروسەسكە بەلسەندى قاتىسۋىنا جانە ازاماتتىق ۇستانىمىن قالىپتاستىرۋعا باعىتتالعان ءبىلىم بەرۋ الاڭى.
ساباقتار اياسىندا قاتىسۋشىلار ساياساتتانۋ، قۇقىق، كوممۋنيكاسيا، گەندەرلىك ساياسات جانە سايلاۋ پروسەسى بويىنشا ءبىلىم الادى. وقۋ باعدارلاماسى دارىستەردى، ترەنينگتەردى، شەبەرلىك ساباقتارىن، سونداي-اق قولدانىستاعى دەپۋتاتتارمەن، قوعام قايراتكەرلەرىمەن جانە ساراپشىلارمەن كەزدەسۋلەردى قامتيدى. ەرەكشە نازار كوپشىلىك الدىندا سويلەۋ داعدىلارىن دامىتۋعا، باسقارۋشىلىق قۇزىرەتتەردى نىعايتۋعا جانە ستراتەگيالىق ويلاۋدى جەتىلدىرۋگە اۋدارىلادى.
قاتىسۋشىلار ءوز باستامالارىن ازىرلەپ، تالىمگەرلەردەن كەرى بايلانىس الىپ، كاسىبي بايلانىستار جەلىسىن قۇرۋ مۇمكىندىگىنە يە بولادى. مەكتەپ كاسىبي وسۋگە عانا ەمەس، سونىمەن بىرگە ايەلدەردىڭ الەۋمەتتىك ماڭىزى بار جوبالارعا بەلسەندى قاتىسۋىنا، سايلانبالى لاۋازىمدارعا كانديداتۋرالارىن ۇسىنۋىنا جانە كوشباسشىلىق امبيسيالارىن ىسكە اسىرۋىنا جول اشادى.
ساياسي كوشباسشىلىق مەكتەبىنىڭ كەزەكتى ساباعى الماتىدا «مەن – كانديداتپىن. ءوزىڭدى سەنىمدى تانىستىرۋ جانە قولداۋ تابۋ جولدارى» تاقىرىبىندا ءوتتى. سپيكەر رەتىندە @iteachme.kz ديرەكتورى، ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ كەڭەسشىسى زاحيرا بەگالييەۆا قاتىسىپ، سايلاۋشىلارمەن سەنىمدى قارىم-قاتىناس ورناتۋ جانە ءتيىمدى كوممۋنيكاسيا جۇرگىزۋدىڭ پراكتيكالىق تاسىلدەرىمەن ءبولىستى.
كەزدەسۋ قورىتىندىسىندا قاتىسۋشىلار العان بىلىمدەرىنىڭ قۇندىلىعىن جانە كوشباسشىلىق قاسيەتتەردى دامىتۋعا، ايەلدەردىڭ ساياسي بەلسەندىلىگىن ارتتىرۋعا سەرپىن بەرەتىن شابىتتى ورتا قالىپتاسقانىن اتاپ ءوتتى.