قالادا كوكتايعاقتان قۇلاپ، اۋرۋحاناعا تۇسكەندەر سانى 200-دەن استى.
ولاردىڭ باسىم بولىگى ءتۇرلى دەنە جاراقاتىن العان. قوعامدىق دەنساۋلىق باسقارماسىنىڭ مالىمەتى بويىنشا، 11 تۇرعىندى ۇسىك شالعان، دەپ حابارلايدى Almaty-akshamy.kz.
باسقارمانىڭ مالىمەتىنشە، جىل باسىنان بەرى قاتتى ايازدا ءۇسىپ قالعان ءبىر ادام كوز جۇمدى. ونىڭ تۇرعىلىقتى مەكەنجايى بولماعان. دارىگەرلەردىڭ سوزىنشە، اياز كەزىندە سىرتقى كيىم مەن اياق كيىمگە ەرەكشە ءمان بەرگەن دۇرىس. اسىرەسە، سۋىق كۇندەرى ءبىرىنشى كەزەكتە بالالار مەن قارت كىسىلەردى ۇسىك شالۋى مۇمكىن. سوندىقتان ماماندار اياز كۇندەرى سىرتتا كوپ جۇرمەي، بارىنشا ساقتانۋعا كەڭەس بەرىپ وتىر.