الماتى قالاسىنىڭ ءتارتىپ ساقشىلارى ۋاكىلەتتى ورگاندارعا كومەك كورسەتە وتىرىپ، “مۇلدەم توزبەۋشىلىك” قاعيداتى بويىنشا الدىن الۋ شارالارىن جۇرگىزىپ، قوعامدىق ورىنداردى لاستاپ، قالانى اباتتاندىرۋ ەرەجەلەرىن بۇزعان ازاماتتارعا شارا قولدانىپ جاتىر.
بۇل كۇندەرى قالادا “الماتى – ءبىزدىڭ ورتاق ءۇيىمىز” ناۋقانى ءوتىپ جاتىر. باستاما الماتى قالاسىنىڭ ەستەتيكالىق جاعدايىن جاقسارتۋعا باعىتتالعان. ءار ادامنىڭ ءوز ءۇيى بار، ول ونىڭ تازالىعىن قاداعالايدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«الماتى – ءبىزدىڭ ورتاق ءۇيىمىز، ءبىز ءوز ءۇيىمىزدىڭ تۇرعىندارى رەتىندە ونى تازا ۇستاۋىمىز كەرەك. ازاماتتاردى تابيعاتتى لاستاماۋعا جانە ونى ايالاۋعا شاقىرامىن. بىرلەسكەن كۇش-جىگەر ارقىلى عانا ءبىز ونى ساقتاپ، كەلەشەك ۇرپاققا مول مۇرا رەتىندە جەتكىزە الامىز»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.
جىل باسىنان بەرى قوعامدىق ورىنداردى لاستاپ، الماتىنى اباتتاندىرۋ ەرەجەلەرىن بۇزعان 7 مىڭنان استام قۇقىق بۇزۋشى اكىمشىلىك جاۋاپكەرشىلىككە تارتىلدى.