الماتىدا جىلۋمەن جابدىقتاۋ جەلىلەرىن جوندەۋ جۇمىستارىنا بايلانىستى اباي داڭعىلىنىڭ ۋچاسكەسى ءبىر تۇنگە جابىلادى
الداعى جىلىتۋ ماۋسىمىنا دايىندىق اياسىندا اباي داڭعىلىنىڭ اۋەزوۆ اۋدانىنداعى بولىگىندە جىلۋ جەلىلەرىندە ىلمەكتى-رەتتەۋ ارماتۋراسىن اۋىستىرۋ جۇمىستارى جۇرگىزىلەدى، دەپ حابارلايدى aqshamnews.kz.
جوندەۋ جۇمىستارىنىڭ قاۋىپسىزدىگى ماقساتىندا 13 ماۋسىم ساعات 23:00-دەن –14 ماۋسىمنىڭ ساعات 08:00-گە دەيىن اباي داڭعىلىنىڭ بويىنداعى №26 ۇيدەن باستاپ ساين كوشەسىنە دەيىن باتىس باعىتتاعى اۆتوكولىك قوزعالىسى شەكتەلەدى.
جوندەۋ جۇمىستارى كەزىندە كولىك قوزعالىس اۆتوبۋس جولاعىمەن جۇزەگە اسىرىلادى.
شىعىس باعىتىنا قاراي قوزعالىسعا شەكتەۋ قويىلمايدى.
قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعانىن ەسكە سالامىز.
«الماتى جىلۋ جۇيەسى» ج ش س eاقىتشا قولايسىزدىقتارعا تۇسىنىستىكپەن قاراۋدى سۇرايدى.