2025-2026 جىلدارى الماتىدا 49،2 كم ۇزىندىعى 11 كوشە كەشەندى تۇردە كوركەيتىلەدى. الماتى ەل بويىنشا جايلى ۋربان ورتا قۇرۋدىڭ حالىقارالىق ستاندارتىن ەنگىزىپ جاتقان العاشقى قالا. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە الماتى قالاسىنىڭ اكىمى ەربولات دوسايەۆ مالىمدەدى، دەپ حابارلايدى aqshamnews.kz
«الەمنىڭ ءىرى مەگاپوليستەرىنىڭ وزىق تاجىريبەسى كوشەلەردى «قاسبەتتەن قاسبەتكە دەيىن» كەشەندى كورىكتەندىرۋ ءتاسىلى جايلى جانە زاماناۋي قالا ورتاسىن قۇرۋدىڭ ەڭ وڭتايلى شەشىمى ەكەنىن كورسەتەدى. ءبىز الماتىدا وسى حالىقارالىق ستاندارتتى ەنگىزۋدەمىز، بۇل ءتاسىلدى قولداناتىن قازاقستانداعى العاشقى قالا بولدىق»، – دەدى ەربولات دوسايەۆ.
اكىمنىڭ ايتۋىنشا، بۇگىنگى كۇنى دوستىق داڭعىلى (ءال-فارابي داڭعىلىنان ابايا داڭعىلىنا دەيىن) جانە پۋشكين كوشەسى (گوگول كوشەسىنەن رايىمبەك داڭعىلىنا دەيىن) جوبالارىنىڭ جسق ازىرلەۋ جۇمىستارى اياقتالدى. قۇرىلىس جۇمىستارى 2025 جىلدىڭ ناۋرىز ايىندا باستالادى (3،7 ملرد تەڭگە).
2025 جىلدىڭ اقپان ايىندا رادوستوۆەس جانە ماكاتايەۆ كوشەلەرىنىڭ جوبالاۋ جۇمىستارى اياقتالىپ، قۇرىلىس-مونتاجداۋ جۇمىستارى 2025 جىلدىڭ مامىر ايىندا باستالادى.
2025 جىلى جەلتوقسان كوشەسىندە (بايتۇرسىنوۆ كوشەسىنەن رايىمبەك داڭعىلىنا دەيىن) ۇزىندىعى 4،6 كم جانە رايىمبەك داڭعىلىندا (پۋشكين كوشەسىنەن التىن ورداعا دەيىن) ۇزىندىعى 17،2 كم بولاتىن ەكى جاڭا BRT جەلىسى سالىنىپ، كوشەلەر «قاسبەتتەن قاسبەتكە دەيىن» قاعيداتى بويىنشا كەشەندى كورىكتەندىرىلەدى.
«الماتىباسجوسپار» ءجشس-نىڭ مالىمەتىنشە، جوبالىق جۇمىستار اياسىندا قالالىق ينفراقۇرىلىمدى كەشەندى جاڭارتۋ كوزدەلگەن. كوشەلەر زاماناۋي جاياۋ جۇرگىنشىلەر جولدارىمەن جابدىقتالادى، ولار قالا تۇرعىندارىنىڭ ءقاۋىپسىز جانە ىڭعايلى قوزعالىسىن قامتاماسىز ەتەدى. تروتۋارلاردا ىڭعايلى ورىندىقتار، بەسەدكالار، قوقىس جاشىكتەرى جانە جاڭا جارىقتاندىرۋ تىرەكتەرى ورناتىلادى.
بارلىق جۇمىس تۇرعىندار مەن قالا قوناقتارى ءۇشىن جايلىلىقتى، ەكولوگيالىق تازالىقتى جانە قالالىق ورتانىڭ تارتىمدىلىعىن قامتاماسىز ەتەتىن زاماناۋي كورىكتەندىرۋ ستاندارتتارى ەسكەرىلە وتىرىپ جاسالادى.