الماتىداعى تاعى ءبىر باعىتتا جاڭا اۆتوبۋستار جولعا شىقتى، دەپ حابارلايدى Almaty-akshamy.kz
الماتىدا بۇگىننەن باستاپ №92 مارشرۋتتاعى جىلجىمالى قۇرام تولىعىمەن جاڭارتىلدى.
«مامىر-1 – المەرەك» شاعىن اۋدانىنا قاتىنايتىن مارشرۋتقا جوسپارلى تۇردە 22 بىرلىك اۆتوبۋس شىعادى. الايدا قوعامدىق كولىكتەر كوبىنەسە تەحنيكالىق سەبەپتەرگە بايلانىستى جەلىدەن شىعىپ، قوزعالىس جيىلىگى الشاقتاپ كەتەدى.
وسىعان وراي، قالالىق موبيلدىلىك باسقارماسى اۆتوبۋس سانىن 25 بىرلىككە دەيىن ارتتىرىپ، جىلجىمالى قۇرامدى جاڭارتۋ تۋرالى شەشىم قابىلدادى. بۇل جۇيەلىلىكتى قامتاماسىز ەتىپ، جوسپارلانعان جيىلىكتى 10 مينۋتتان 8 مينۋتقا دەيىن قىسقارتادى.
Golden Dragon ماركالى گازبەن جۇرەتىن ون ەكى مەترلىك جاڭا تومەن ەدەندى اۆتوبۋستار زاماناۋي قۇرىلعىلارمەن، سونىڭ ىشىندە كونديسيونەرمەن، بەينەباقىلاۋ جۇيەسىمەن جانە ت.ب. جابدىقتالعان. اۆتوبۋستىڭ جالپى سىيىمدىلىعى 113 ادام، ونىڭ 28ء-ى وتىراتىن ورىن.
بۇل رەتتە، ەسكى اۆتوبۋستار پاركتىڭ رەزەرۆتىك قۇرامىنا ەنگىزىلەدى.
ايتا كەتۋ كەرەك، بىلتىرعى جىلدىڭ قورىتىندىسى بويىنشا الماتىدا 22 جاڭا باعىت جانە 50-گە جۋىق ەلدى مەكەندى قامتيتىن 10 قالا ماڭىنا قاتىنايتىن باعىت ۇيىمداستىرىلدى. ءارى 364 بىرلىك اۆتوبۋس ەسەبىنەن 24 مارشرۋتتا جىلجىمالى قۇرام جاڭارتىلدى.