الماتىدا 900-دەن استام تەرگەۋ تۇتقىنىنداعىلار داۋىس بەردى

بۇگىن الماتى قالاسىنداعى №72 مەكەمەسىندەگى (تەرگەۋ يزولياتورى) تەرگەۋ تۇتقىنىنداعىلار دا ەرتەمەن مەكەمەدە ورنالاسقان سايلاۋ ۋچاسكەسىنە كەلىپ، داۋىس بەردى. 
ق ر قىلمىستىق-اتقارۋ كودەكسىنىڭ 104-بابىنىڭ 3-بولىگىندە كوزدەلگەندەي، سوت ۇكىمى بويىنشا باس بوستاندىعىنان ايىرۋ ورىندارىندا ۇستالاتىن سوتتالعانداردان باسقا كۇدىكتىلەردىڭ سايلاۋعا قاتىسۋعا قۇقىقتارى بار. اتالعان ساناتقا تەرگەۋ تۇتقىنىنداعىلار مەن سوتتىڭ ۇكىمى ءالى كۇشىنە ەنبەگەن، جاسى ون سەگىزگە تولعاندار جاتادى. 
كەزەكتەن تىس پرەزيدەنت سايلاۋىن ۇيىمشىلدىقپەن وتكىزۋگە الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №72 مەكەمەسىندە الماتى قالاسى، تۇركسىب اۋدانى اكىمىنىڭ شەشىمىمەن تەرگەۋ يزولياتورى ورنالاسقان اۋماق بويىنشا №479 سايلاۋ ۋچاسكەسى قۇرىلىپ، ۋچاسكەلىك سايلاۋ كوميسسياسىنىڭ مۇشەلەرى بەكىتىلدى.
وسىعان وراي پرەزيدەنت سايلاۋىن وتكىزۋ ءۇشىن 5 كابينا جابدىقتالدى.  كەزەكتەن تىس پرەزيدەنت سايلاۋى كۇنى 908 تەرگەۋ تۇتقىنىنداعى جانە سوت ۇكىمى زاڭدى كۇشىنە ەنبەگەندەر داۋىس بەردى»،  - دەيدى №479 سايلاۋ ۋچاسكەسىنىڭ ءتوراعاسى، ادىلەت پودپولكوۆنيگى ا.امانجولوۆ.
مەكەمەدە ۇستاۋ رەجيمىن ساقتاۋ ماقساتىندا يزولياتورلاردىڭ كامەرالارىنان داۋىس بەرەتىن ۋچاسكەگە دەيىن قوسىمشا پوستتار ۇيىمداستىرىلىپ، داۋىس بەرۋشىلەردىڭ قوزعالىس مارشرۋتى بەكىتىلگەن.