1 مىڭعا جۋىق تاقىرىپتىق بروشيۋرالار تاراتىلدى.
الماتى پوليسەيلەرى مەن ەرىكتىلەر 900-دەن استام ەسىرتكى جارناماسىن جويدى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، ترافارەتتى جارناما شاراسى قالانىڭ المالى، بوستاندىق، جەتىسۋ، مەدەۋ جانە تۇركسىب اۋداندارىنىڭ اۋماعىندا ءوتتى. وعان پوليسيا قىزمەتكەرلەرى، ەرىكتىلەر جانە جاناشىر ازاماتتار قاتىستى.
«ايتپاقشى، ەرىكتىلەر مەن بەلسەندىلەر - ەسىرتكى قىلمىسىمەن كۇرەستەگى ءبىزدىڭ تۇراقتى سەرىكتەستەرىمىز. قوعام زاڭ ۇستەمدىگىن ناسيحاتتاپ، وسكەلەڭ ۇرپاقتىڭ سالاۋاتتى ءومىر ءسۇرۋ قاعيداتتارىن دامىتىپ، نىعايتۋعا زور ۇلەس قوسقاندا وتە ماڭىزدى. ءبىر مەزگىلدە قالانىڭ بەس اۋدانىنىڭ تۇرعىن ءۇي القابىن قامتىعان بۇل شارا بارىسىندا ەسىرتكى جارناماسى بار 900-دەن استام گراففيتي جازۋلارى جويىلدى. سونداي-اق، شاھار تۇرعىندارى اراسىندا 1 مىڭعا جۋىق تاقىرىپتىق بروشيۋرالار تاراتىلدى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
سونىمەن قاتار، پوليسەيلەر ءاتى-جونىن اتاماۋ شارتىمەن ازاماتتار ەسىرتكى ساتاتىن ادامدار، سونداي-اق ەسىرتكى جارناماسى قولدانىلاتىن ورىندار تۋرالى اقپاراتتى حابارلاي الاتىن «جەدەل جەلى» تەلەفونىن ەسكە سالدى: 8-705-549 -70-25.