9 مامىر كۇنى 28 گۆاردياشى-پانفيلوۆشىلار ساياباعىندا ۇلى جەڭىستىڭ 80 جىلدىعىنا ارنالعان اۋقىمدى كونسەرتتىك باعدارلاما وتەدى، دەپ حابارلايدى Aqshamnews.kz
ءساياباقتاى ساعات 9:30-دا قانات احمەتوۆ جەتەكشىلىك ەتەتىن مەملەكەتتىك ۇرمەلى وركەستردىڭ قاتىسۋىمەن ماڭگىلىك الاۋعا گۇل شوقتارىن قويۋ ءراسىمى باستالادى. ارداگەرلەرگە دالا اسحاناسىنان تاعام ۇسىنىلادى، سونداي-اق، ولار ءۇشىن ارنايى شاتىردا جەكە كونسەرتتىك باعدارلاما ۇيىمداستىرىلادى.
ساياباقتا الماتىلىقتار مەن قالا قوناقتارىنا ارناپ ساعات 09:45-تەن 21:00-گە دەيىن باستى ساحنادا مۋزىكا ءۇزىلىسسىز شىرقالادى – مەرەكەلىك كونسەرتتەر كۇن بويى جالعاسادى.
كۇندىزگى باعدارلاما الماتى قالاسى اكىمىنىڭ ەسترادالىق-سيمفونيالىق وركەسترىنىڭ «AlJazz Symphony»ء-نىڭ ماەسترو الەكساندر بەلياكوۆ باسقارعان سالتاناتتى ونەر كورسەتۋىمەن باستالادى. وركەستردىڭ سۇيەمەلدەۋىمەن «سينيي پلاتوچەك»، «تەمنايا نوچ»، «ەح، دوروگي»، «جۋراۆلي»، «نام نۋجنا ودنا پوبەدا»، «دەن پوبەدى»، «جەڭىس كۇنى»، «سوعىستان قايتقان سولداتتار»، «كەستەلى ورامال»، «ءاليا» جانە ت.ب. سوعىس جىلدارىنداعى تانىمال شىعارمالار مەن پاتريوتتىق اندەر شىرقالادى.
باعدارلاماعا قازاقستاننىڭ تانىمال انشىلەرى: تولەگەن راحىمبايەۆ، ۆەنەرا الپىسبايەۆا، ولەگ تاتاميروۆ، الەكسەي تيموفەيەۆ، تولقىن زابيروۆا، بەرەكە ەڭكەبايەۆا، باقتيار تايلاقبايەۆ، يگور بلاگودارنىي، ماقسات ساماتوۆ، سونداي-اق، Art Classic، Il Canto، La Bella ۆوكالدى انسامبلدەرى جانە باسقالار قاتىسادى.
مۋزىكالىق ەستافەتانى «قاسىمنىڭ اندەرى-اي» كونسەرتى، قازاقستاننىڭ حالىق ءارتيسى تالعات كۇزەمبايەۆ پەن «گەنەرال» توبىنىڭ جەكە كونسەرتتەرى جالعاستىرادى.
ساعات 19:00-دە كوكتوبە تەلەمۇناراسىندا ۇلى وتان سوعىسىنىڭ اتاقتى قازاقستاندىق باتىرلارىنىڭ ەسىمدەرى جازىلعان مۋلتيمەديالىق جەڭىس كۇنىنە ارنالعان قۇتتىقتاۋ باستالادى – بۇل ۇلى جەڭىس تاريحىنا ەسىمدەرى التىن ارىپتەرمەن جازىلعان قاھارماندارعا تاعزىم ەتۋ.
ساعات 19:00-دەن 21:00-گە دەيىن كورەرمەندەردى قازاقستاندىق ەسترادا جۇلدىزدارىنىڭ قاتىسۋىمەن كەشكى كونسەرت كۇتەدى. Il Canto جانە La Bella كۆارتەتتەرى «سمۋگليانكا» مەن «كاتيۋشا» اندەرىن ورىندايدى، اركايم دۋەتى، «الاتاۋ سەرىلەرى» جانە «جۇمىر قىلىش» انسامبلدەرى ۇلتتىق اۋەن شىرقايدى. ساي ماحامبەت، ەرجان ماكسيم، نۇرجان كەرمەنبايەۆ، جۇبانىش جەكسەن ۇلى جانە باسقا دا انشىلەر جەكە ورىنداۋلارىن ۇسىنادى. كەشتى «كەشYOU»، JasStars، «الداسپان» جانە «جىگىتتەر» توپتارىنىڭ ونەرى تۇيىندەيدى.
جەڭىس اندەرى 10 جانە 11 مامىر كۇندەرى دە 28 گۆاردياشى-پانفيلوۆشىلار ساياباعىندا اشىق اسپان استىندا شىرقالا بەرەدى.
10 مامىر كۇنى ساعات 11:00-دەن 15:00-كە دەيىن داڭق ەسكەرتكىشىنىڭ جانىنداعى ساحنادا «سازگەن سازى» ءانسامبلى ۇلتتىق كۇيلەرمەن، «ارقايىم» ەتنو-توبى، «مۋزارت Life» ۇجىمى، «جەتى عاجايىپ» تەاترى، سۇلۋشاش نۇرماعانبەتوۆا، عاريفا يگىسىنوۆا، ەركەش حاسەنوۆ، قازىبەك ادىكەي، اقىلبەك جەمەنەي، وكتەم التايەۆ، دالەل ۋاشيەۆ جانە ينديرا ەلەمەس ونەر كورسەتەدى.
11 مامىر كۇنى ساعات 12:00-دە «ەشكىم دە ۇمىتىلمايدى، ەشنارسە دە ۇمىتىلمايدى!» اتتى كونسەرتپەن مەرەكەلىك باعدارلاما جالعاسادى. ساحناعا حالىق اسپاپتار ءانسامبلى «سازگەن سازى»، سونداي-اق، سايات نۇرعازين، باۋىرجان مۋسين جانە جەڭىس ەرجانوۆ شىعادى. ساعات 13:00-دە «اسىل» توبى ونەر كورسەتەدى، ال «الماتى اۋەندەرى» ارتيستەرى تالعات كۇزەمبايەۆ، داۋرەن بايبورى، ەريك تولەنوۆ، تاحمينا اشىمبەكوۆا جانە قازىبەك ادىكەيمەن دۋەتتە سوڭعى بولىپ ونەر كورسەتەدى.
بارشاڭىزدى وتباسىمەن بىرگە كەلىپ، باتىر بابالارىمىزدى ەسكە الىپ، جەڭىس اندەرىن تىڭداپ، العىس پەن ماقتانىش رۋحىندا ۋاقىت وتكىزۋگە شاقىرامىز.