الماتىدا 85 جاستاعى نۇريحان اپا ۇبت تاپسىرىپ كورۋدى ۇيعارعان، - دەپ حابارلايدى اqshamnews.kz ءتىلشىسى.
"عۇمىرىن بالا تاربيەسىنە ارناعان انا، جاستىق شاعىندا قول جەتپەگەن ارمانى جوعارى بىلىمگە ەندى تاپسىرىپ جاتىر. بيىل نۇريحان اپا كوپتەن بەرگى ارمانىن ورىنداپ، ۋنيۆەرسيتەتكە ءتۇسۋ ءۇشىن ۇبت تاپسىرىپ كورۋدى ۇيعارعان. جاقىندارىنىڭ قولداۋىمەن ۇبت-عا تىركەلىپ، كوپتەن كۇتكەن ساتىنە جەتتى"، - دەلىنگەن حابارلامادا.
تەستىلەۋ كۇنى بالالارى دەمەۋشى بولىپ جانىنان تابىلدى. ەمتيحان باستالار الدىندا نۇريحان اپا تالاپكەرلەرگە اق باتاسىن بەرىپ، "وقۋ مەن بىلىمگە ۇمتىلۋ ەشقاشان كەش ەمەس" ەكەنىن جۇرەكجاردى تىلەگىمەن جەتكىزدى.
بۇل جولى كومپيۋتەرمەن جۇمىس ىستەۋ داعدىسىنىڭ جوعى تەست تاپسىرۋعا كەدەرگى بولدى. دەگەنمەن نۇريحان اپا كومپيۋتەردى ۇيرەنىپ، كەلەسى جىلى قايتا كەلۋگە نيەتتى ەكەنىن ايتتى.