وتىنىمدەر حالىققا قىزمەت كورسەتۋ ورتالىعىندا قابىلدانىپ جاتىر
الماتىدا 800 ازامات بانكروتتىق راسىمدەۋگە ءوتىنىش بەردى. بۇل تۋرالى الماتى قالاسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
وتىنىمدەر حالىققا قىزمەت كورسەتۋ ورتالىعىندا قابىلدانىپ جاتىر.
سالىق ورگانىنىڭ مالىمەتىنشە، ءوتىنىش قابىلداۋ مەن بورىشكەردىڭ كىرىس كريتەرييلەرىنە سايكەستىگى تۇرعىسىنان مۇددەلى مەملەكەتتىك جانە وزگە دە ورگانداردىڭ دەرەكتەرىمەن اۆتوماتتى تۇردە سالىستىرۋ اقپاراتتىق جۇيە ارقىلى جۇرگىزىلەدى.
ەڭ باستىسى، ازاماتتار بۇل نەسيە قارىزىنىڭ امنيستياسى ەمەستىگىن ءتۇسىنۋى كەرەك، سەبەبى ءوزىن بانكروت دەپ تانۋ مىناداي شارالارعا اكەلەدى:
- بەس جىل ىشىندە نەسيە الا المايدى (لومباردتاردىڭ ميكروكرەديتتەرىن الۋدان باسقا)؛
- قايتا بانكروتتىق جەتى جىلدان كەيىن عانا مۇمكىن بولادى؛
- قارجىلىق جاعدايى بانكروتتىقتان كەيىن ءۇش جىل بويى تەكسەرىلەدى. تولەم قابىلەتىن قالپىنا كەلتىرۋ كەزىندە مۇنداي شارالار بولمايدى.
سونىمەن بىرگە ۆەدومستۆو بانكروتتىقتان سوڭ ازاماتتىڭ نەسيە رەيتينگى تومەندەيتىنىن ءتۇسىنىپ، بانكروتتىق تۋرالى ويلانىپ، ناقتى شەشىم قابىلداۋى قاجەت ەكەنىن ەسكەرتتى.
ايتا كەتەيىك، سوتتان تىس بانكروتتىق ءراسىمىن قولدانۋعا ءوتىنىشتى حقو ارقىلى قانا ەمەس، eGov.kz، «ە-سالىق-ازامات» موبيلدىك قوسىمشالارى ارقىلى ونلاين جاساۋعا بولادى.
ەسكە سالايىق، بۇعان دەيىن جەكە ادامداردىڭ بانكروتتىعى تۋرالى قۇقىقتىڭ كومەك الۋعا 10 مىڭنان استام ادام ءوتىنىم بەرگەن بولاتىن.