الماتى وبلىسىنىڭ ءتۇرلى اۋدانىنا قاتىنايتىن قالا ماڭىنداعى جاڭا مارشرۋتتار اشىلدى، دەپ حابارلايدى Aqshamnews.kz
مەگاپوليستى اگلومەراسيامەن بايلانىستىراتىن كولىك قاتىناسىن جاقسارتۋ ماقساتىندا الماتىدا قالا ماڭىنداعى جاڭا مارشرۋتتار اشىلىپ جاتىر. الماتى قالالىق موبيلدىلىك باسقارماسى ەڭبەكشىقازاق، ىلە، قاراساي جانە جامبىل اۋدانىداعى ەلدى مەكەندەردى قامتيتىن 8 جاڭا مارشرۋت ۇيىمداستىردى.
وسىلايشا، 13 قاراشادان باستاپ تاسىمالداۋشى «نۇرجاسترانس» ج ش س №218، 238، 246، 248، 250، 255 مارشرۋتتارىنا قىزمەت كورسەتۋگە كىرىسەدى. «تولە بي/ياسساۋي اۆتوبەكەتى – ا.توقپانوۆ اۋىلى» باعىتى بويىنشا №218 مارشرۋتتا 5 اۆتوبۋس جۇرەدى. قوزعالىس 5:30 باستالىپ، 23:00 اياقتالادى.
«تولە بي/ياسساۋي اۆتوبەكەتى – كوكتوبە اۋىلى» باعىتى بويىنشا №238 مارشرۋتتا 3 اۆتوبۋس جۇرەدى. قوزعالىستىڭ باستالۋى – 5:30، اياقتالۋى – 23:00. «بارلىق بازارى – كەمەرتوعان اۋىلى» باعىتى بويىنشا №246 مارشرۋتتا 3 اۆتوبۋس جۇرەدى. قوزعالىستىڭ باستالۋى – 5:30، اياقتالۋى – 23:00. «بارلىق بازارى – شولاققارعالى اۋىلى» باعىتى بويىنشا №248 مارشرۋتتا 2 اۆتوبۋس جۇرەدى. قوزعالىستىڭ باستالۋى – 6:00، اياقتالۋى – 22:00. «مامىر-7 شاعىن اۋدانى – قىرعاۋىلدى اۋىلى» باعىتى بويىنشا №250 مارشرۋتتا 2 اۆتوبۋس جۇرەدى. قوزعالىستىڭ باستالۋى – 5:30، اياقتالۋى – 23:00.«الماتى-1 تەمىرجول ۆوكزالى – جاۋعاشتى اۋىلى» باعىتى بويىنشا №255 مارشرۋتتا 2 اۆتوبۋس جۇرەدى. قوزعالىستىڭ باستالۋى – 5:30، اياقتالۋى – 23:00.
سونىمەن قاتار، 11 قاراشادان باستاپ «جاس ترانس» جشس-نە №241 جانە №242 مارشرۋتتارى بەرىلدى.
«جەتىسۋ بازارى – قويشىبەك اۋىلى» باعىتى بويىنشا №241 مارشرۋتتا 3 اۆتوبۋس جۇرەدى. قوزعالىستىڭ باستالۋى – 6:00، اياقتالۋى – 22:00.
«جەتىسۋ بازارى – بازاركەلدى اۋىلى» باعىتى بويىنشا №242 مارشرۋتتا 3 اۆتوبۋس جۇرەدى. قوزعالىستىڭ باستالۋى – 6:00، اياقتالۋى – 22:00.
ايتا كەتۋ كەرەك، جولاۋشىلار مەن جۇكتى اۆتوكولىكپەن تاسىمالداۋ ەرەجەسىنە سايكەس، اتالعان مارشرۋتتار بايقاۋ وتكىزىلگەنگە دەيىن تاسىمالداۋشىلارعا ۋاقىتشا بەرىلىپ، سىناق رەجيمىندە جۇمىس ىستەيدى. سونىڭ ناتيجەسىندە جولاۋشىلاردىڭ لەگى مەن تۇرعىنداردىڭ قاجەتتىلىگى ەسكەرىلىپ، قوزعالىس سىزبالارىنا وزگەرىستەر ەنگىزىلەدى.
ەسكە سالايىق، مەگاپوليس باسشىسى ەربولات دوسايەۆتىڭ تاپسىرماسىمەن وتكەن جىلدان باستاپ اكىمدىك 41 قالا ماڭىنداعى مارشرۋت ۇيىمداستىرىپ، 600 اۆتوبۋس پەن 100 تروللەيبۋس ساتىپ الدى. بيىل تاعى 600 اۆتوبۋس، 112 تروللەيبۋس جانە 100 ەلەكترواۆتوبۋس ساتىپ الىندى.