ال 11 ناۋقاس جاساندى تىنىس الۋ اپپاراتىنا قوسىلعان.
بۇل تۋرالى قالالىق قوعامدىق دەنساۋلىق ساقتاۋ باسقارماسى مالىمدەدى، دەپ حابارلايدى Almaty-akshamy.kz.
قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ مالىمەتىنە سايكەس، «30 ماۋسىم كۇنگى اقپارات بويىنشا، ءبىر تاۋلىكتە قالادا 305 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 282، سيمپتومسىز – 23 ناۋقاس تىركەلدى. بارلىق ەمدەلىپ شىققاندار – 59 ، كەلىپ تۇسكەنى – 104. ينفەكسيالىق ستاسيونارلاردا 703 ادام بار (توسەك-ورىننىڭ جالپى سانى –1 730 )، ونىڭ ىشىندە 53 بالا ەمدەلىپ جاتىر».
سونداي-اق، رەانيماسيا جانە قارقىندى تەراپيا بولىمىندە 54 ادام جاتىر. ال 11 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 23 ادام ەم قابىلداۋدى جالعاستىرۋدا. High flow-دا 18 اپپارات جۇمىس ىستەيدى. مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 1507 پاسيەنت بار. ونىڭ ىشىندە ىندەت بەلگىلەرى بار 1294 ناۋقاستىڭ جاعدايى ورتاشا اۋىر دەڭگەيدە، ال 213 ادامدا كوروناۆيرۋس بەلگىلەرى جوق.