الماتىنىڭ قانشا دەنساۋلىق ساقتاۋ نىسانى رەكونسترۋكسيالانادى، مودەرنيزاسيالانادى جانە 2024 جىلى قانشا قۇرىلىس اياقتالادى، دەپ حابارلايدى almaty-akshamy.kz
الماتىدا ءماسليحاتتىڭ كەزەكتەن تىس XII سەسسياسى وتۋدە. قالا اكىمى ەربولات دوسايەۆ دەنساۋلىق ساقتاۋ نىساندارىن مودەرنيزاسيالاۋ، رەكونسترۋكسيالاۋ جانە ولاردىڭ قۇرىلىسىن اياقتاۋ جوسپارلارى تۋرالى ايتىپ بەردى.
"2024 جىلى بالالارعا شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ بولىمشەسىنىڭ قۇرىلىسى جانە قالالىق كارديولوگيالىق ورتالىقتىڭ عيماراتىن رەكونسترۋكسيالاۋ اياقتالادى، سونداي-اق جالپى سوماسى 2،7 ملرد.تەڭگەگە 7 دەنساۋلىق ساقتاۋ ۇيىمىنا كۇردەلى جوندەۋ جۇرگىزىلەدى"، - دەدى ەربولات دوسايەۆ.
بۇدان باسقا، جسق ازىرلەۋ اياقتالىپ، 4 جاڭا ستاسيوناردىڭ قۇرىلىسى جانە 5 قولدانىستاعى ستاسيوناردى مودەرنيزاسيالاۋ باستالادى.
مەديسينالىق جانە تەحنولوگيالىق جابدىقتاردى، سونداي-اق 49 جاڭا جەدەل مەديسينالىق جاردەم اۆتوكولىگىن ساتىپ الۋ ءۇشىن 15،5 ملرد.تەڭگە ءبولۋ جوسپارلانۋدا، بۇل مەديسينالىق جابدىقتارمەن جاراقتاندىرۋدى نورماتيۆتەردىڭ 80%-عا دەيىن جەتكىزۋگە مۇمكىندىك بەرەدى.
اكىمنىڭ اقپاراتى بويىنشا، 2023 جىلدىڭ 11 ايىنىڭ قورىتىندىسى بويىنشا اعىمداعى جىلى قابىلدانعان شارالار ءولىم – ءجىتىمدى 9%-عا جانە سىرقاتتانۋدى 10،8%-عا، سابيلەردىڭ سىرقتتانۋىن 43%-عا تومەندەتۋگە مۇمكىندىك بەردى.