كۆي-دىڭ تارالۋ قارقىنى بويىنشا قالا «سارى» ايماقتا تۇر.
الماتىدا ۆيسە-پرەمەر ەرالى توعجانوۆ COVID-19-دىڭ قازىرگى احۋالىمەن تانىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسى اكىمنىڭ ورىنباسارى اسەم ءنۇسىپوۆانىڭ ايتۋىنشا، 7 شىلدەدەگى جاعداي بويىنشا الماتىدا كۆي جۇقتىرۋدىڭ 239 841 جاعدايى تىركەلدى. ستاسيونارلاردا 87 پاسيەنت ەمدەلۋدە، ونىڭ 2ء-ى رەانيماسيا بولىمىندە. امبۋلاتوريالىق باقىلاۋدا 834 ادام بار.
الماتى قالاسىنىڭ باس ساندارىگەرى قاسىمحان الپىسباي ۇلى كۆي-دىڭ تارالۋ قارقىنى بويىنشا قالا «سارى» ايماقتا تۇرعانىن جەتكىزدى. ونىڭ ايتۋىنشا، كوكتەمنىڭ باسى مەن ورتا شەگىندە اۋرۋ كورسەتكىشتەرىنىڭ تومەندەۋىنەن كەيىن قايتا جوعارىلاۋ تەندەنسياسى بايقالۋدا. وسىلايشا، اۋرۋعا شالدىعۋ دەرەكتەرىنىڭ ءوسۋى 0،2% - كە دەيىن ءوستى، تارالۋ كوەففيسيەنتى 1-دەن جوعارى. جۇقتىرۋ وشاقتارىنىڭ ەڭ كوپ سانى بوستاندىق، المالى، الاتاۋ، بوستاندىق جانە مەدەۋ اۋداندارىنىڭ اۋماعىندا ورنالاسقان.
ينفەكسيانىڭ ءوسۋ سەبەپتەرى مەن كوزدەرى - قوعامدىق ورىندارعا بارۋ، ءۇي وشاقتارىنداعى، قالالىق كولىكتەگى، جۇمىس ورنىنداعى بايلانىستار، سونداي-اق ۆاكسيناسيا مەن ريەۆاكسيناسيا قارقىنىنىڭ تومەندەۋى بولىپ وتىر.
تۇرعىندار اراسىندا ىندەتكە شالدىعۋ دەرەكتەرىن ازايتۋ ماقساتىندا قالا اكىمدىگى ۆاكسيناسيا مەن ريەۆاكسيناسيا، ناۋقاستاردى وقشاۋلاۋ بارىسىن باقىلاۋ، نەگىزگى الدىن الۋ ەرەجەلەرىن ساقتاۋ قاجەتتىلىگى تۋرالى حالىقپەن ءتۇسىندىرۋ جۇمىستارىن كۇشەيتۋ بويىنشا ءبىرقاتار شارالار قابىلدادى.
سونىمەن قاتار پاندەميانىڭ جاڭا تولقىنىنا الماتىدا بارلىعى 7 000 توسەك-ورىندىق، ونىڭ ىشىندە 250 رەانيماسيالىق ورىندىق 23 كوۆيدتىك كلينيكا دايىندالدى.
مەديسينالىق قوعامداستىق وكىلدەرىمەن كەڭەس بارىسىندا كۆي-دىڭ الدىن الۋ ماسەلەلەرى قارالدى.
پرەمەر-مينيستردىڭ ورىنباسارى ەرالى توعجانوۆ قالادا سىرقاتتانۋشىلىقتىڭ ءوسۋ جاعدايلارىنا، سونداي-اق مساك جۇمىسىن ۇيلەستىرۋدىڭ، ۆاكسيناسيا مەن ريەۆاكسيناسيانى ۇيىمداستىرۋدىڭ ماڭىزدىلىعىنا، الماتى قالاسىنىڭ دەنساۋلىق ساقتاۋ جۇيەسىنىڭ كوروناۆيرۋس ينفەكسياسى اۋرۋشاڭدىعىنىڭ كەزەكتى ىقتيمال ورشۋىنە دايىندىق دەڭگەيىنە نازار اۋداردى.
«بۇگىن قويىلعان مىندەتتەردى قالانىڭ باس مەملەكەتتىك سانيتاريالىق دارىگەرىمەن بىرلەسىپ تالداپ، كوروناۆيرۋس ينفەكسياسىنىڭ الدىن الۋ جانە تارالۋىنا جول بەرمەۋ بويىنشا قاجەتتى شارالار قابىلداۋدى سۇرايمىن»، - دەپ اتاپ ءوتتى ەرالى توعجانوۆ.
كەڭەس سوڭىندا ۆيسە-پرەمەر قالا باسشىلىعىنا COVID-19-عا قارسى يممۋنداۋ ناۋقانىن كۇشەيتۋدى تاپسىردى. سونداي-اق، حالىق اراسىندا ساپالى ءتۇسىندىرۋ جۇمىستارىن جۇرگىزۋدى كۇشەيتۋ قاجەتتىگىن اتاپ ءوتتى.