الماتى پوليسياسى “ميگرانت” ءىس-شاراسىن قورىتىندىلادى.
الماتىدا “ميگرانت” ءىس-شاراسى اياقتالدى. 31 شىلدە مەن 3 تامىز ارالىعىندا قالادا “ميگرانت” جەرگىلىكتى جەدەل الدىن الۋ ءىس-شاراسى ءوتتى، دەپ حابارلايدى aqshamnews.kz Polisia.kz-كە سىلتەمە جاساپ.
ءىس-شارانىڭ ماقساتى – قۇقىقتىق ءتارتىپ پەن قوعامدىق قاۋىپسىزدىكتىڭ جاي-كۇيىنە باقىلاۋدى كۇشەيتۋ، كوشى-قون زاڭناماسى سالاسىنداعى قۇقىق بۇزۋشىلىقتاردىڭ جولىن كەسۋ.
– شەتەل ازاماتتارىنىڭ قازاقستان رەسپۋبليكاسىنىڭ اۋماعىندا بولۋ ەرەجەلەرىن بۇزۋ دەرەكتەرى بويىنشا شەتەل ازاماتتارىنا قاتىستى 551 اكىمشىلىك حاتتاما تولتىرىلدى. حالىقتىڭ كوشى-قونى سالاسىنداعى زاڭنامانى بۇزعانى ءۇشىن قر-نىڭ 168 ازاماتى جاۋاپكەرشىلىككە تارتىلدى. سونداي-اق جەرگىلىكتى اتقارۋشى ورگانداردىڭ ءتيىستى رۇقساتىنسىز شەتەلدىك جۇمىس كۇشىن تارتقان 24 جۇمىس بەرۋشى ازامات اكىمشىلىك جاۋاپكەرشىلىككە تارتىلدى، – دەيدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.