الماتى پوليسياسى كۇزەت قىزمەتىن، كاسىبي دايىندىق تالاپتارىنىڭ ساقتالۋىن باقىلاۋدى جۇزەگە اسىرۋدا.، دەپ حابارلايدى aqshamnews.kz Polisia.kz-كە سىلتەمە جاساپ.
– ءارتۇرلى مەنشىك نىسانىنداعى وبەكتىنى جوعارى، بىلىكتى كۇزەتپەن قامتاماسىز ەتۋ – قالاداعى زاڭدىلىق پەن قۇقىق ءتارتىبىن ساقتاۋدا جانە قىلمىسپەن كۇرەستە ۇلكەن كومەك ەكەنىن بىرنەشە رەت ايتقانبىز. تاجىريبەدە كۇزەتشىلەردىڭ قۇقىق بۇزۋشىلىقتى توقتاتىپ، قىلمىستى اشۋعا كومەكتەسكەن جاعدايلارى كەزدەسەدى. سوندىقتان بىلىكتى كادرلاردى قالىپتاستىرۋ وتە ماڭىزدى. كەيدە ازاماتتاردىڭ قاۋىپسىزدىگى مەن ءال-اۋقاتى كۇزەتشىلەردىڭ جەدەلدىگى مەن تاباندىلىعىنا بايلانىستى بولادى، – دەدى الماتى قالالىق پد كۇزەت قىزمەتىن قاداعالاۋ باسقارماسىنىڭ باستىعى نۇربول قاماۋبايەۆ.
سپيكەردىڭ ايتۋىنشا، كۇزەت كومپانيالارى ءوز قىزمەتكەرلەرىن كاسىبي دايىنداۋعا، اتاپ ايتقاندا، دەنە جاتتىعۋى، ورتكە قارسى جانە مەديسينالىق دايىندىقتان وتكىزۋگە مىندەتتى. سونىمەن قاتار لاڭكەستىك قاۋىپتەرگە ارەكەت ەتۋ بويىنشا ساباقتار توپتاماسى ۇيىمداستىرىلدى.