بيىل مەملەكەتتىك قارجىلاندىرۋ سوماسى 5،6 ملرد تەڭگەدەن اساتىنى بەلگىلى بولدى.
الماتى قالاسىنىڭ وڭىرلىك كوممۋنيكاسيالار قىزمەتى الاڭىندا قازاقستاننىڭ كينويندۋسترياسىنا ارنالعان بريفينگ ءوتتى، دەپ حابارلايدى Almaty-akshamy.kz.
«ۇلتتىق كينونى قولداۋ مەملەكەتتىك ورتالىعى» كەاق وكىلدەرىنىڭ ايتۋىنشا، وتاندىق فيلمدەردى جاس رەجيسسەرلەر ءجيى تۇسىرەدى.
سپيكەرلەر اتاپ وتكەندەي، بيىل ۇلتتىق كينونى قولداۋ مەملەكەتتىك ورتالىعى وتكىزگەن بايقاۋ قورىتىندىسى بويىنشا، 62 كينوجوبا قارجىلاندىرىلادى. 2019 جىلى 17 كينوجوبا، ال 2020 جىلى 39 فيلم قارجىلاندىرىلعان بولاتىن.
بيىل ەلىمىزدە ءبىر مەزگىلدە 18 تولىق مەتراجدى، 19 دەرەكتى، 17 قىسقا مەتراجدى جانە 8 انيماسيالىق فيلمنەن تۇراتىن ءتۇرلى جانرداعى 60-تان استام كينوجوبا تۇسىرىلمەك، بۇل - بۇرىن-سوڭدى بولماعان كورسەتكىش.
قازاقستاننىڭ حالىق ءارتىسى، "ۇكقمو" كەاق جانىنداعى ساراپتاما كەڭەسىنىڭ ءتوراعاسى دوسحان جولجاقسىنوۆ جۋرناليستەر الدىندا ءسوز سويلەپ، كونكۋرس وتكىزۋ كەزىندە كوپ نارسە وزگەرگەنىن حابارلادى.
"ساراپتامالىق كەڭەس 80%-عا جاڭارتىلدى جانە ۇسىنىلعان جوبالار الدەقايدا قىزىقتىراق ءارى ساپالى بولماق. بۇرىن قىرۋار قارجى جۇمسالعان ۇلكەن، مونۋمەنتالدى جوبالار ازايتىلدى. بيىل جاستار تاراپىنان كوپتەگەن جوبالار ۇسىنىلىپ وتىر"، - دەدى دوسحان جولجاقسىنوۆ.
ساراپشىنىڭ ايتۋىنشا، ولار شىعارماشىلىق جولىن ەندى باستاعان كينەموتوگرافيستەردىڭ ومىرىنە جولداما بولاتىن بيۋدجەتتىك جوبالارعا باسىمدىق بەرۋگە تىرىسىپ وتىر. حالىق ءارتىسى قازاقستاندىق كينونىڭ ساپاسى تۋرالى ءسوز قوزعادى، جاس كورەرمەنگە اسا قاجەت وتاندىق انيماسيانىڭ جاي-كۇيى جايلى دا ايتا كەتتى. الدىڭعى ەكى بايقاۋدا 5 انيماسيالىق جوبا قولداۋ تاپسا، بيىل 8 جوبا جارىق كورمەك.
دوسحان جولجاقسىنوۆ بايقاۋدىڭ اشىق ءارى ءادىل ءوتىپ جاتقانىن، جوبانى قورعاۋ پروسەسى ونلاين ترانسلياسيالاناتىنىن اتاپ ءوتتى. كەز كەلگەن بايقاۋدا جەڭىسكە جەتەتىندەرمەن قاتار جەڭىلەتىندەر دە بولادى، سوندىقتان بارىق جوبا بىردەي ماقۇلدانبايدى. بيىلعى جىلى كينوجوبالاردى قورعاۋعا 208 ءوتىنىم قابىلداندى، ونىڭ 122ء-سى - تولىقمەتراجدى فيلم، 86-سى - قىسقامەتراجدى فيلمدەر. كونكۋرستىق وتىنىمدەر اراسىندا الەۋمەتتىك ماڭىزى بار كوركەم فيلمدەر، دەرەكتى جانە دەبيۋتتىك فيلمدەر كوپ.
بريفينگ بارىسىندا مەملەكەتتىك قولداۋعا يە بولعان جاس كينوگەرلەر قاتارى جىل ساناپ ارتىپ كەلە جاتقانى بەلگىلى بولدى. وسى جازدا كينوعا باعا بەرەتىن قازىلار القاسىنا ونداعان دەبيۋتەردىڭ جۇمىسى ۇسىنىلدى.
بيىل مەملەكەتتىك قارجىلاندىرۋ سوماسى 5،6 ملرد تەڭگەدەن اساتىنى بەلگىلى بولدى. ونىڭ ىشىندە الەۋمەتتىك ماڭىزى بار فيلمدەرگە (ونىڭ ىشىندە انيماسيالىق) 4،95 ملرد تەڭگە قاراستىرىلعان. 500 ملن-گە جۋىعى "دەبيۋت" ساناتى بويىنشا وتەتىن فيلمدەرگە، تاعى 129،5 ملن تەڭگە كەڭ اۋديتورياعا ارنالعان فيلمدەرگە، 25 ملن تەڭگە بىرلەسىپ شىعارىلعان فيلمدەرگە جۇمسالادى.