الماتىدا تاريحتاعى العاشقى ازيا حوككەي چەمپيوناتى 6 قاراشادا باستالادى
حالىقارالىق شايبالى حوككەي فەدەراسياسىنىڭ (IIHF) قولداۋىمەن تاريحتا العاش رەت ازيا حوككەي چەمپيوناتى الماتىدا وتەدى. تۋرنير 6 قاراشادا باستالادى، دەپ حابارلايدى aqshamnews.kz.
جارىستار 6-9 قاراشا ارالىعىندا Halyk Arena كوپفۋنكسيونالدى سپورت كەشەنىندە وتەدى. قازاقستان قۇراماسى جاپونيا، كورەيا جانە جۇڭگو ەلىنىڭ كوماندالارىمەن كۇش سىناسادى.
تۋرنير ماچتارىنىڭ كەستەسى:
6 قاراشا 2024، 16:00 – جاپونيا – جۇڭگو
6 قاراشا 2024، 19:30 – كورەيا – قازاقستان
8 قاراشا 2024، 16:00 – جاپونيا – كورەيا
8 قاراشا 2024، 19:30 – قازاقستان – جۇڭگو
9 قاراشا 2024، 16:00 – جۇڭگو – كورەيا
9 قاراشا 2024، 19:30 – قازاقستان – جاپونيا
ماچ بيلەتى 1-دەن 3 مىڭ تەڭگەگە دەيىنگى ارالىقتا ساتىلادى.
ايتا كەتەيىك، الداعى تۋرنيرلەر 2025 جىلى 7-14 اقپان ارالىعىندا قىتايدىڭ حاربين قالاسىندا وتەتىن ازيا ويىندارىنا دايىندىق جارىستارى رەتىندە ۇيىمداستىرىلىپ وتىر.