قۇرىلىستى 2024 جىلى باستاۋ جوسپارلانىپ وتىر
الماتىنىڭ المالى اۋدانىندا 500 ادامعا ارنالعان ەمحانا سالىنادى. بۇل تۋرالى قالا اكىمى ەربولات دوسايەۆ تۇرعىندارمەن كەزدەسۋ كەزىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، المالى اۋدانى دەنساۋلىق ساقتاۋدىڭ ساپالى جۇيەسىنىڭ ورتالىعى بولعاندىقتان، مۇنداعى ەمحاناعا قالانىڭ جانە وبلىستىڭ باسقا اۋداندارىنىڭ تۇرعىندارى تىركەلۋگە ۇمتىلادى.
«443 مىڭ ادام تۇراتىن اۋداندا جاقىن ماڭداعى بوستاندىق، جەتىسۋ جانە تۇركسىب اۋداندارىنىڭ تۇرعىندارىنىڭ تىركەلۋىنە بايلانىستى اۋداننىڭ 18 ەمحاناسى 2 ەسەگە ارتىق پاسيەنتتەرگە قىزمەت كورسەتۋدە. سوندىقتان بۇل ماسەلەنى شەشۋ ءۇشىن بۇگىندە 1947 جىلى سالىنعان ەسكى عيماراتتى بۇزىپ، ريەۆماتولوگيا ورتالىعىنىڭ ورنىندا 500 كەلۋشىگە ارنالعان جاڭا ەمحانا قۇرىلىسىنىڭ جوبالاۋ-سمەتالىق قۇجاتتاماسى ازىرلەنىپ جاتىر. وعان قاراجات ءبولىندى»، - دەدى الماتى اكىمى ەربولات دوسايەۆ.
قۇرىلىستى 2024 جىلى باستاۋ جوسپارلانىپ وتىر.
سونداي-اق، رايىمبەك داڭعىلى بويىندا پسيحيكالىق دامۋى تەجەلگەن بالالارعا ارنالعان باسسەينى بار سپورت ورتالىعىن سالۋعا جسق ازىرلەۋ جوسپارلانۋدا.