الماتىدا رەسپۋبليكالىق جانە جەرگىلىكتى ماڭىزى بار تاريحي ءارى مادەنيەت ەسكەرتكىشتەرى جارىقتاندىرىلدى
الماتىدا «تازا قازاقستان» رەسپۋبليكالىق باعدارلاماسى اياسىندا رەسپۋبليكالىق جانە جەرگىلىكتى ماڭىزى بار تاريحي ءارى مادەنيەت ەسكەرتكىشتەرىنە تۇنگى ۋاقىتتا جارىق بەرۋ جۇمىسى جۇرگىزىلدى. جۇمىس قالانىڭ بارلىق اۋداندارىن قامتىدى. شارا اياسىندا 56 مونۋمەنت پەن بيۋست تە جارىقتاندىرىلدى. قوسىمشا جارىقتاندىرۋ ءۇشىن 128 پروجەكتور ورناتىلدى، دەپ حابارلايدى aqshamnews.kz
«الماتى قالا جارىق» مكك باس ينجەنەرى الىمۇحامەد جالپاقوۆ اتاپ وتكەندەي، مۇسىندەر مەن كەشەندەردى جارىقتاندىرۋعا بيۋدجەتتەن قوسىمشا قاراجات ءبولۋ تالاپ ەتىلمەدى.
«ءبىر جەردە ازعانتاي جارىق بولدى، ءبىز ونى جاقسارتتىق. ەسكەرتكىشتەر مۇلدەم جارىقتاندىرىلماعان جەردە ءبىز مونۋمەنتالدى قۇرىلىمنىڭ بارلىق ۇلىلىعىن جارىقپەن كورسەتۋ ءۇشىن قولدا بار رەسۋرستاردى قولداندىق. ءقازىر كوپتەگەن قالا تۇرعىندارى مەن قوناقتارى بۇل سۇلۋلىقتى سۋرەتكە ءتۇسىرۋ جانە ەسكە الۋ ءۇشىن قاراڭعى ۋاقىتتا ەسكەرتكىشتەرگە ارنايى كەلەدى»، - دەپ ءتۇسىندىردى ول.
كاسىپورىن قىزمەتكەرلەرى اۋدان اكىمدىكتەرىمەن بىرلەسىپ مەموريالدار ءتىزىمىن قالىپتاستىردى. تىزىمگە اباي، ءال-فارابي، رايىمبەك باتىر، شوقان ءۋاليحانوۆ، احمەت بايتۇرسىنوۆ، دىنمۇحامەد قونايەۆ ەسكەرتكىشتەرى، ۇلى وتان سوعىسىنىڭ باتىرلارى مەن ينتەرناسيوناليست-جاۋىنگەرلەرگە، اشارشىلىق پەن ساياسي قۋعىن-سۇرگىن قۇرباندارىنا ارنالعان ءبىرقاتار مەموريالدار، الماتى قالاسىنىڭ قۇتقارۋشىلارىنا ارنالعان ەسكەرتكىشتەر، «قازاقستان» مونۋمەنتالدى-مۇسىندىك كومپوزيسياسى، تاۋەلسىزدىك مونۋمەنتى جانە ت. ب.
