پاريجدەگى وليمپيادا ويىندارىنىڭ قاتىسۋشىسى، دزيۋدوشى ءابيبا ءابۋجاقانوۆاعا تاعى ءبىر كولىك سىيعا تارتىلدى.
ءوزىنىڭ Instagram پاراقشاسىندا سپورتشى بۇل سىيلىقتى ءارى قاراي توقتاپ قالماۋعا جانە تىنىمسىز جۇمىس ىستەۋگە تاعى ءبىر ىنتالاندىرۋ دەپ سانايتىنىن جازدى، دەپ حابارلايدى aqshamnews.kz.
«مەن مۇنى كوپ جىلعى ەڭبەگىم، كۇش-جىگەرىم، توككەن تەرىم جانە ۇزدىكسىز جاتتىعۋلارىم ءۇشىن ماراپات رەتىندە قابىلدايمىن»، دەپ جازدى دزيۋدوشى.
ەستەرىڭىزگە سالا كەتەيىك، ءابيبا ءابۋجاقىنوۆا جازعى وليمپيادا ويىندارىندا 5ء-شى ورىن العان بولاتىن. ول اقتالماعان ءۇمىتى ءۇشىن قازاقستان حالقىنان كەشىرىم سۇرادى.
ەڭ ءبىرىنشى بولىپ دزيۋدوشىعا «رەسپۋبليكا» پارتياسىنىڭ ءتوراعاسى ايداربەك حودجانازاروۆ كولىك مىنگىزسە، كەيىن اتىراۋ وبلىسىنىڭ اكىمى دە تەمىر تۇلپاردىڭ كىلتىن تابىستاعان ەدى.
ايتا كەتەيىك، ءابيبا ءابۋجاقىنوۆا پاريج وليمپياداسىندا 48 كگ سالماق دارەجەسىندە بەلدەستى. ول قولا جۇلدەگە تالاستا شۆەسيالىق تارا بابۋلفاتتان جەڭىلىپ، بەسىنشى ورىن العان بولاتىن. ءابۋجاقىنوۆا پاريجدە ارالاس كوماندالىق سىنعا دا قاتىستى. بۇل سايىستا قازاقستان قۇراماسى برازيليادان 5:2 ەسەبىمەن جەڭىلىپ قالدى. 57 كگ سالماقتا بەلدەسەتىن دزيۋدوشى بولماعاندىقتان، وسى سالماقتا ءابيبا ەل نامىسىن قورعاپ، رافاەلا سيلۆاعا ەسە جىبەرگەن ەدى.