الماتىنىڭ ازاماتتىق اۆياسيا اكادەمياسىندا ستۋدەنتتەر ءۇيى – 482 ورىندىق زاماناۋي عيمارات اشىلدى. بۇل تۋرالى قالالىق جاستار ساياساتى باسقارماسىنىڭ وكىلدەرى حابارلادى.
باسقارمانىڭ مالىمەتىنشە، كولىك مينيسترلىگىنىڭ، ق ر عىلىم جانە جوعارى ءبىلىم مينيسترلىگىنىڭ جانە الماتى اكىمدىگىنىڭ قولداۋىمەن 2024 جىلى "قازاەروناۆيگاسيا" رمك بالانسىنان كولەمى 7 مىڭ شارشى مەتردەن اساتىن اكىمشىلىك-قوناق ءۇي كەشەنىن اكادەميانىڭ مەنشىگىنە بەرۋ تۋرالى شەشىم قابىلدانعان بولاتىن. سونىڭ ارقاسىندا عيمارات جاڭارتىلىپ، زاماناۋي ستۋدەنتتەر ءۇيىن قۇرۋعا مۇمكىندىك بەرىلدى. نىسان ستۋدەنتتىك جاتاقحانالار سالۋ بويىنشا جوبالىق كەڭسەنىڭ جۇمىسى اياسىندا جۇزەگە اسىرىلدى.
جاڭا كورپۋس ازاماتتىق اۆياسيا اكادەمياسى مەن الماتى حالىقارالىق اۋەجايىنىڭ جانىندا ورنالاسقان. عيمارات 482 ورىنعا ارنالعان، جايلى، ءقاۋىپسىز ءارى ەنەرگيا تيىمدىلىگىنىڭ زاماناۋي ستاندارتتارىنا ساي.
جاتاقحانا سەكسيالىق فورماتتا سالىنعان. ءار سەكسيا ەكى بولمەلى، مۇندا دۋش جانە جۋىناتىن بولمە دە قاراستىرىلعان. ءار قاباتتا اس ءۇي، سونداي-اق وقۋعا ارنالعان كوۆوركينگ كەڭىستىكتەر بار.
ستۋدەنتتەر ۇيىندە سپورت زالدارى، دەمالىس ايماقتارى، مەديسينالىق كابينەت جانە اباتتاندىرىلعان الاڭدار بار. جاتاقحانا اكادەميا ستۋدەنتتەرىنىڭ ءومىرىن جانداندىرىپ، ءوزارا پىكىرلەسۋ مەن ششابىت ورتالىعىنا اينالادى.
"بۇل جوبانىڭ ەرەكشەلىگى، ول جوعارى وقۋ ورىندارىنا ارنالعان عيماراتتاردى قايتا جاڭارتۋ تەتىگى بويىنشا ىسكە اسىرىلدى. سونىڭ ارقاسىندا عيمارات جاڭاردى ءارى بارلىق زاماناۋي تالاپقا ساي جاڭا ستۋدەنتتىك ورتالىققا اينالدى"، - دەدى الماتى قالاسى جاستار ساياساتى باسقارماسىنىڭ باسشىسى ازيز قاجدەنبەك.