چيپپەن قاتار جىل سايىن يت پەن مىسىققا قۇتىرۋعا قارسى ۆاكسيناسيا جۇرگىزىلەدى
بۇل اقپاراتتى الماتى قالاسى كاسىپكەرلىك جانە ينۆەستيسيالار باسقارماسىنىڭ ۆەتەريناريا ءبولىمىنىڭ باستىعى ايگەرىم جاقسىلىق وڭىرلىك كوممۋنيكاسيالار قىزمەتىنىڭ بريفينگى بارىسىندا مالىمدەدى، دەپ حابارلايدى almaty-akshamy.kz
سپيكەر قاڭعىباس جانۋارلاردىڭ ماسەلەسىن بولدىرماۋ ءۇشىن ميكروچيپتەر ورناتىلاتىنىن اتاپ ءوتتى. كوشەدە ولاردىڭ پايدا بولۋىنىڭ نەگىزگى سەبەپتەرى - ءالى دە يتتەردى سىرتقا بوساتۋ، جوعالتۋ جانە دالاعا تاستاپ كەتۋ. تابىلعان جانۋاردا ءچيپتىڭ بولۋى ونى ۇيگە قايتارۋعا نەمەسە يەسىن جاۋاپقا تارتۋعا مۇمكىندىك بەرەدى.
سونىمەن قاتار، الماتىلىقتاردىڭ ءۇي جانۋارلارى تۋرالى بارلىق دەرەكتەر PetControl ءبىرىڭعاي يتتەر مەن مىسىقتاردى سايكەستەندىرۋ دەرەكتەر بازاسىنا ەنگىزىلەتىن بولادى.
ءۇي يتتەرى مەن مىسىقتارىن ستەريليزاسيالاۋ مەن كاستراسيالاۋ مەملەكەتتىك باعدارلاماسىن ىسكە اسىرۋ جالعاسادى. 2024 جىلعا قاراي الماتىدا 28000 جانۋار وسى پروسەدۋرادان وتەدى.
«باعدارلاما كەزبە ءۇي جانۋارلارىنىڭ سانىن گۋمانيستىك رەتتەۋگە باعىتتالعان. ويتكەنى ءۇي جانۋارلارىنىڭ ۇرپاقتارى جىل سايىن بۇرالقى جانۋارلاردىڭ پوپۋلياسياسىن تولىقتىرادى. ستەريليزاسيا مەن كاستراسيا باعدارلاماسى جىلىنا 2 رەت، اقپان مەن تامىزدا جۇرگىزىلەتىن بولادى»، - دەدى ايگەرىم جاقسىلىق.
ۇستىمىزدەگى جىلى ءۇي جانۋارلارىن تەگىن ستەريليزاسيالاۋ جانە كاستراسيالاۋ باعدارلاماسى 4000-عا جۋىق يت پەن مىسىقتى قامتۋدى جوسپارلانۋدا. قازىرگى ۋاقىتتا مەملەكەتتىك ساتىپ الۋ كونكۋرسى ءجۇرىپ جاتىر. 51،747 ميلليون تەڭگە كولەمىندە قاراجات ءبولىندى. باعدارلامانىڭ باستالۋى قىركۇيەكتىڭ ورتاسىنا جوسپارلانعان.
قاڭعىباس جانۋارلاردى گۋمانيستىك رەتتەۋ باعدارلاماسى اياسىندا جانۋارلاردى ۇستاۋ شارتتارىن ەسكەرە وتىرىپ، پانالايتىن ورىنداردىڭ جۇمىسىنىڭ ءبىرىڭعاي ءتارتىبىن ازىرلەۋ جوسپارلانۋدا.
الماتى قالاسىندا ءۇي جانۋارلارىن ۇستاۋ مەن سەرۋەندەۋ ەرەجەلەرى بويىنشا تۇسىندىرمە جۇمىستارىن ەرىكتى جانۋارلار قۇقىعىن قورعاۋشىلار جۇرگىزەتىن بولادى. ءبىراق پوليسيا مەن ۆەتەرينارلىق قىزمەتكەرلەر جانۋارلارعا زورلىق-زومبىلىق جاساۋدىڭ الدىن الادى.