6 قىركۇيەك كۇنگى ساعات 9:00-دەگى جاعداي بويىنشا 302159 رەسپوندەنت ونلاين ساناقتان ءوتتى. ولاردىڭ 271066-سى sanaq.gov.kz سايتىندا، 25669 Egov پورتالىنداعى سايت سىلتەمەسىن پايدالانا وتىرىپ جاۋاپ بەرسە، 5424 ادام ساناققا اitu قوسىمشاسى ارقىلى قاتىستى، دەپ حابارلايدى almaty-akshamy.kz ۇلتتىق ستاتيستيكا بيۋروسىنىڭ باسپا ءسوز قىزمەتىنە سىلتەمە جاساپ.
العاشقى بەس كۇننىڭ قورىتىندىسىمەن مەگاپوليستەر العا شىعىپ وتىر. 46480 استانالىق تۇرعىن ساناقتان وتكەنى جايلى حابارلاما العان. ونلاين ساناقتان وتكەن تاعى 43690 ادام الماتىدا تىركەلگەن. ۇزدىك ۇشتىكتى شىمكەنت تۇيىندەدى. مۇندا 40791 ادام ساناق ساۋالدارىنا جاۋاپ بەردى. بۇل كورسەتكىش بويىنشا ازىرگە سوڭعى ەكى ورىندى ماڭعىستاۋ جانە اتىراۋ وبلىستارى ەنشىلەپ تۇر.
بۇل وڭىرلەردە سايكەسىنشە 3350 جانە 2542 ادام ساناقتان ءوتىپتى. ازاماتتاردان ساناق كەزىندە الىنعان بارلىق اقپاراتتار ۇلتتىق ستاتيستيكا بيۋروسىنىڭ ورتالىق سەرۆەرىنە جىبەرىلەدى.
ۇسب-نىڭ اقپاراتتىق جۇيەسى اقپاراتتىق-كوممۋنيكاسيالىق ينفراقۇرىلىمداردىڭ اسا ماڭىزدى نىساندارىنىڭ تىزىمىنە ەنگىزىلگەن جانە ق ر ۇقك «مەملەكەتتىك تەحنيكالىق قىزمەت» اق-نىڭ تالداۋىنا الىنعان. سونداي-اق، ساناق قارساڭىندا اقپاراتتىق جۇيەنىڭ اقپاراتتىق قاۋىپسىزدىك تالاپتارىنا سايكەستىگى سىناقتان وتكىزىلىپ، ول بويىنشا وڭ ناتيجە الىنعان بولاتىن.
ارنايى sanag.gov.kz سايتىنىڭ قورعانىشى رەتىندە سەرۆەر مەن قولدانۋشى اراسىنداعى اقپارات الماسۋ https حاتتاماسىمەن قورعالعان، الەمدەگى ءىرى سەرتيفيكاتتاۋ ورتالىقتارىنىڭ ءبىرى - Sectigo SSL-سەرتيفيكاتى الىندى.
ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ، ساناقتى ونلاين وتۋگە شاقىرادى. sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق. ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى. بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن.